سپیده رشنونون وکیلینین سؤزلرینه گؤره، تهران ایالتینین تئمییز محکمهسی اونون مووکیلی اوچون “دؤرد آیلیق قطعی حبس” قراری وئریب کی، بو یازیچی و مدنی فعال ایکی پرونده اوزره توپلام اوچ ایل ۱۱ آی قطعی حبس جزاسی آلسین.
خانیم رشنونون وکیلی میلاد پناهیپور بو گون، چارشنبه آخشامی، ۱۴ آذرده “شرق” خبر آژانسی ایله صؤحبتینده دئییب کی، خانیم رشنو بو جزایا “سانال اورتامدا ادبسیز شکیللری درج ائتمک” اتهامی ایله محکوم ائدیلیب.
خانیم رشنونون وکیلینین سؤزلرینه گؤره، اونا قارشی یئنی پروندهنین آچیلماسی اینستاگرامدا “اؤز شکلینی” یایماسی و “الزهرا بیلیمیوردونون اینتیظام کومیتهسینین حؤکمو” بارهده بیلگی وئرمهسی ایله باغلیدیر.
سپیده رشنو ۷ آبان گونو اینستاگرامدا یازیب کی، اونون بارهسینده چیخاریلان یئنی حؤکمه اساساً، “بیرینجی پرونده (تیر آیی اتوبوسو)” اوزره حبس جزاسی دایاندیریلاجاق.
مهسا امینینین اؤلوموندن اوچ آی اؤنجه مجبوری حجابا اعتراض اولاراق اخلاق پولیسینین نظارتینده ساخلانیلاراق ایشگنجهلره معروض قالیب و مجبوری اعترافا مجبور ائدیلمیشدی. بو ترجومهچی و ادیتور ۱۰ مهر گونو حجابسیز بیر شکلینی یایاراق اؤزونو ساوونماق اوچون وکیلی ایله بیرلیکده حجابسیز اولاراق محکمهده حاضیر اولاجاغینی بیلدیرمیشدی.
بو ترجومهچی و ادیتور بو ایلین خرداد آییندا اعلان ائتدی کی، یئنیدن چاغیریلدیقدان سونرا بیر میلیارد تومن گیروو قارشیلیغیندا سربست بوراخیلیب، لاکین اونا “تهرانی ترک ائتمک قاداغاندیر”. بوندان اؤنجه او، الزهرا بیلیمیوردوندا “ایسلامی گئییملره رعایت ائتمهدیگی” سببیله بیلیمیوردونا گیریشی و ایکی دؤنم ائیتیمی کئچمیش ایللری داخیل اولماقلا قاداغان ائتدیگینی آچیقلامیشدی.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق