ایران سینماسینین قادین اویونچولارینا قارشی گوونلیک توتوملارینین داوامیندا تهرانین خمینی هاوا لیمانیندا آزاده صمدینین پاسپورتو موصادیره ائدیلیب و اونون اؤلکهدن چیخیشینین قارشیسی آلینیب.
شرق شبکهسی بازار ائرتهسی، ۲۹ آبان ۱۴۰۲-ده یازیب کی، سینما، تئاتر و تلویزیون اویونچوسو آزاده صمدی بو سحر هیندیستاندا ۵۴-جو گوا فئستیوالینا گئدیرمیش، لاکین اونون پاسپورتو گؤتورولوب و اؤلکهنی ترک ائتمهیه ایجازه وئریلمهییب. خمینی هاوا لیمانیندا اونا لو قاداغا بارهده بیلگی وئریلیب.
“شرق” یازیب کی، آزاده صمدی هیندیستانین ۵۴-جو اولوسلار آراسی فیلم فئستیوالیندا مجید توکلینین اوچونجو فیلمی اولان “عزیز” فیلمینین نومایشی اوچون بو اؤلکهیه گئدیردی، لاکین اونو اؤلکهنی ترک ائتمهسینه ایجازه وئریلمهییب.
آزاده صمدی بو ایل ۳۱ اردیبهشت گونو تئاترین یؤنتمنی “رضا حداد”ین دفن مراسیمینده پاپاقلا ایشتیراک ائدیب و اونون شکیللری مئدیادا و سوسیال شبکهلرده یاییلیب.
بو حرکتدن سونرا ایسلام جمهورییتینین محکمه سیستمی آزاده صمدییه قارشی پرونده آچیب.
خانیم صمدییه ایکی آیلیق حبس جزاسی وئریلیب. جزاسینین باشقا بیر حیصهسینده گؤستریلیردی کی، او، “آنتیسوسیال خستهلیگینین موعالیجهسی” اوچون “ایکی هفتهدن بیر” پسیکولوژی مرکزلره گئتمهلی و نهایت، ساغلاملیغی حاقیندا بیر سند یئتکیلی اورقانلارا تقدیم ائتمهلیدیر.
ایرانلی اویونچولار اوچون حبس جزالاری و سوسیال تجریدلر سون هفتهلرده شدتلهنیب. دونن ایرانین عومومی اعتراضلارینا دستک وئرن اویونچو “هانیه توسلی”نین “توپلومسال دوزنی پوزماق مقصدی ایله یالان آچیقلامالار یایماق” اتهامی ایله ۶ آی حبس و ۱۵ میلیون تومن جریمه اولوندوغو آچیقلانیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق