یەکێتیی ڕێکخراوەکانی کامیون‌داران و شۆفیرانی سەراسەریی ئێران ئەمڕۆ سێ‌شەمە ٨ی سەرماوەزی ١٤٠١، بەردەوام بوونی مانگرتنی کامیون‌دارانی بۆ سێهەمین ڕۆژ ڕاگەیاند.
هاوکات چەند گرتە ڤیدیۆیەک لە تۆڕە کۆمەڵایەتییەکان بڵاو بووەتەوە کە نیشان دەدات گرووپێک لە پەرەستاران لە تاران بۆ داوا کردنی حەقدەستە پاشکەوتووەکانیان مانیان گرتووە.
ئەم گرتە ڤیدیۆیە لە #تاران نیشان دەدات پەرەستارانی نەخۆشخانەی ئیمام بۆ ناڕەزایەتی دەربڕین بەرامبەر پشت‌گوێ خستنی داخوازی و چارەسەر نەکردنی کێشەکانیان، کۆبوونەوەی ناڕەزایەتیان ئەنجام دا. #مهسا_امینی #ناڕەزایەتی_سەراسەری #مانگرتنی_سەراسەری pic.twitter.com/1ZOpJrDffh
— ئێران‌وایەر (@kurdishiranwire) November 29, 2022
ئەم گرتە ڤیدیۆیانە دەری‌دەخەن ئەمڕۆ کامیون‌داران لە شارەکانی شیراز و سنە بۆ سێهەمین ڕۆژە دەستیان لە کار کێشاوەتەوە و مانیان گرتووە.
وێنەیەک لە ڕێگای کەمەربەندی ئازادگانی تاران لە کاناڵی تێلێگرامی یەکێتیی ڕێکخراوەکانی کامیون‌داران و شوفیران بڵاو بووەتەوە نیشان دەدات هیچ کامیونێک لەم ڕێگایەدا هات‌چۆ ناکات.
هەروەها ڕۆژی ڕابردوو کامیون‌داران لە شارەکانی ئەسفەهان، کاشان، مەرەند، سەقز، بەندەرعەباس، قەزوێن و کرماشان، ڕۆژی یەکشەمە ٦ی سەرماوەز، هیچ جۆرە بارێکیان نەگواستووەتەوە.
یەکێتیی ڕێکخراوەکانی کامیون‌داران و شۆفیرانی ئێران لە تویتەری تایبەتی خۆیان نووسیان ڕۆژی ٦ی سەرماوەز، ژمارەیەک لە کامیون‌دارانی شارەکانی سەقز، کرماشان و سنە مانیان گرتبوو.
ئەم گرتە ڤیدیۆیە لە #سنە نیشان دەدات لە درێژەی مانگرتنە سەراسەرییەکان‌دا کامیون‌دارانی ناڕازی لە باربەری ئەم شارە مانیان گرتووە.
— ئێران‌وایەر (@kurdishiranwire) November 29, 2022
شایانی باسە کامیون‌دارانی ناڕازی لانیکەم سێ ڕۆژ دەبێت پەیوەست بوون بە مانگرتنە سەراسەرییەکانەوە. #مهسا_امینی #مانگرتنی_سەراسەری_کامیون‌داران pic.twitter.com/bJZSOWVz9D
مانگرتنی کامیون‌داران و شۆفیران لە حاڵێک‌دا بەڕێوە دەچێت کە حکوومەت بۆ پاداشت دانی شۆفیران ڕایگەیاندبوو، "سووتەمەنی نۆژەن کەرەوە" یان پێ‌دەدات.
ئەم مانگرتنانە بە دوای ئەو ڕاگەیاندنە دێت کە لەلایەن ئەم ڕێکخراوە بڵاو کرایەوە و هەروەها جگە لە کێشە پیشەییەکان، ئاماژە بە ناڕەزایەتییە سەراسەرییەکان و سەرکوتەکان لە لایەن حکوومەتەوە بە تایبەت لە پارێزگاکانی کوردستان، سیستان و بەلووچستان و شاری ئیزە کراوە.
لە پیش مانگرتنی کامیون‌داران، کاسبکاران و بازاڕیان بۆ ناڕەزایەتی دەربڕین بە سەرکوتی خەڵکی ناڕازی لە دوو مانگی ڕبردوودا مانیان گرتبوو.
هەروەها گرووپێک لە پەرەستارانی نەخۆشخانەی "ئیمام خومەینی" لە تاران هاوکات لەگەڵ مانگرتنی کامیون‌داران و کرێکاران لە بڕێک لە شوێنە پیشەسازییەکانی ئێران دەستیان لە کار کێشایەوە و بە کۆبوونەوە لە بەردەم ئەم نەخۆشخانە‌دا دروشمی: "یە عمرە وعده می‌دن، حق ما رو نمی‌دن" وتەوە.
هەروەها یەکێتیی ئازادی کرێکاران ئەمڕۆ سێ‌شەمە ٨ی سەرماوەزی ١٤٠١، گرتە ڤیدیۆیەکی لە کرێکارانی کۆمپانیای گەندەلەسازی مادکوش لە بەندەر عەباس بڵاو کردووەتەوە کە دەریدەخات کرێکاران دەستیان لە کار کێشاوەتەوە و لە بەردەم ئەم کۆمپانیایەدا کۆ بوونەوەی ناڕەزایەتیان ئەنجام داوە.
کۆمەڵگەی بەرهەمهێنانی گەندەلەی سەنگی ئاهەنی مادکوش بەشێکە لە گرووپی پەرەپێدانی وەبەرهێنانی بەها و دەکەوێتە ناوچەی ئابووری تایبەتی کەنداوی فارسی بەندەرعەباس.
.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
تێبینییەکەت بنووسە