Sanksiyalar səbəbindən İran və Malayziya uçuşları dayandırılıb

12 Avqust şənbə günündən etibarən İran təyyarələrinin yanacaqla doldurulmasına qoyulan embarqoya görə İran aviaşirkətlərinin Malayziyaya uçuşları dayandırılacaq.

“İlna” xəbər agentliyinin məlumatına görə, İran Hava Yolları Assosiasiyasının katibi Məqsud Əsədi Samani son illərdə birbaşa Malayziyaya uça bilən yeganə İran hava yolu şirkəti olan Mahan Hava Yollarının son uçuşunun cümə günü 11 Avqustda həyata keçiriləcəyini açıqlayıb.

Cənab Əsədi Samani İrandan Malayziyaya birbaşa uçuşların tamamilə dayandırılmasının səbəbinin ABŞ-ın sanksiyaları səbəbindən “İran aviaşirkətlərinə yanacaq doldurmağın mümkünsüzlüyü” olduğunu deyib və bildirib ki, Malayziya hava limanlarında yanacaq təchiz edən şirkətlər İran təyyarələrinə yanacaq verərsə, sanksiyaya məruz qalacaqlar.

Aviaşirkətlər Assosiasiyasının katibinin sözlərinə görə, Tehrandan Kuala-Lumpura uzun marşrut olduğundan bu marşrut üzrə yalnız Mahan və İranair təyyarələri uça bilirdi, lakin bundan sonra sərnişinlər bu marşrut üzrə xarici aviaşirkətlərdən istifadə etməlidirlər.

Ötən illərdə bir çox ölkələr ABŞ-ın sanksiyalarından qorxaraq İran təyyarələrinə yanacaq doldurmağı dayandırıb. Neft sanksiyalarının ilk raundundan İran təyyarələrinə yanacaq verilməsinə embarqo qoyulmasına baxmayaraq, 2018-ci ildə Donald Trump administrasiyasının nüvə sazişindən çıxmasından sonra bu sanksiyalar daha intensiv və daha sürətli xarakter alıb.

Avqustun 9-da Aviaşirkətlər Assosiasiyasının katibi “Eghtesad Saramad” qəzetinə müsahibəsində bildirib ki, hazırda İran təyyarələrini yanacaqla yalnız “bölgədə İraq və bir-iki kiçik Avropa ölkəsi və Belqrad” təmin edir.

Cənab Əsədi Samaninin sözlərinə görə, İran hava yollarının yanacaqla doldurulmasının mümkünsüzlüyü bu şirkətlərin xərclərini artırıb və təyyarənin hər eniş və qalxması bu xərcləri artırır.