Amnesty İnternational göy qurşağı icmasının müdafiəçisinin edam hökmünü qətiyyətlə pisləyib

Amnesty International cinsi azlıqların hüquqlarının müdafiəçisi Sare olaraq tanınan "Zəhra Sediqi Həmdani"nin edam hökmünü şiddətlə pisləyib.

Amnesty İnternational-ın rəsmi İnstaqram səhifəsində də dərc olunan bu bəyanatda homoseksualların, biseksualların, transseksualların və interseksualların insan haqlarının müdafiəçilərindən olan Zəhra Sediqi və Elham Çubdarın "Yer üzündə korrupsiya" ittihamı ilə edam cəzasını qətiyyətlə pisləyir.

Bu bəyanatda deyilir: “Amnesty İnternational-ın əldə etdiyi məlumatlar göstərir ki, çıxarılan hökmlərin əsasını bu iki qadının cinsi kimliyi və ya real və ya ehtimal edilən cinsi istəyi ilə bağlı ayrı-seçkilik əsasları, özəlliklə Zəhra Sediqi Həmədaninin işində isə onun homoseksual, biseksual, transseksual və intersekslərin hüquqları barədə dinc fəaliyyətləri vardır. Bu təşkilat İran hakimiyyətini Zəhra Sediqi Həmədani və Elham Çubdar barəsində çıxarılan hökmləri dərhal ləğv etməyə və onları azad etməyə çağırır.

Bu bəyanatın başqa bir hissəsində Amnesty International deyir:  “İran İslam Respublikasının məhkəmə hakimiyyəti 28 Avqustda Zəhra Sediqi Həmdani və Elham Çubdarın “qadın və qız alveri” ilə bağlı edam cəzasına məhkum edildiyini elan edib. Keçən il İnqilab Keşikçiləri Kəşfiyyat Təşkilatı iddia edilən “insan alveri”nin “fahişəlik və homoseksual qrupları yönləndirmək və dəstəkləmək üçün” olduğunu iddia etmişdi.

Beynəlxalq Amnistiya Təşkilatı ayrıca xanım Sediqiyə qarşı insan alveri ittihamlarını saxta və uydurma adlandırıb və belə bir hökmün verilməsinin səbəbini Zəhra Sediqinin İranın Göy Qurşağı icmasının hüquqlarını müdafiə etməsi ilə bağlı hesab edib.