Firuz Moini Ərdəbil Mərkəzi Həbsxanasına köçürülüb

Azərbaycanlı mədəni fəal Firuz Moini dünən, 2022-ci il oktyabrın 6-da Ərdəbil Mərkəzi Həbsxanasının hərbi palatasına köçürülüb.

İranwire-ə çatan xəbərlərə görə, bu fəal yaxınlarına zəng edərək bildirib ki, həbs olunarkən təhlükəsizlik qüvvələri tərəfindən şiddətli döyülərək sol gözü görmə qabiliyyətini itirib, sol qulağı, ayaqları və əlləri isə ağır yaralanıb.

Firuz Moini çərşənbə günü, oktyabrın 5-də iş yerində təhlükəsizlik qüvvələri tərəfindən həbs edilib.

Bundan öncə, 2018-ci ilin iyul ayında Firuz Moini Babək qalası qurultayı toplantısının ildönümü ilə eyni vaxtda təhlükəsizlik qüvvələri tərəfindən həbs edilmişdi.