Təbriz Mərkəzi Həbsxanasında məhbus olan vəkillər ailələri ilə təmasda; Aclıq aksiyasına başlayacağıq

Təbriz Mərkəzi Həbsxanasında həbsdə olan məhkəmə vəkilləri və Azərbaycan Vəkillər Birliyinin İnsan Haqları Komissiyasının üzvü Sina Yusifi, Qasım Bodi və Əmir Mahdipur aclıq aksiyasına başlayacqlar.

Bu Azərbaycanlı vəkillər ayrı-ayrı ailələrinə zəng edərək qanunsuz həbslərin davam etməsinə və işə baxılmamasına etiraz olaraq üç gün ərzində aclıq aksiyasına başlayacaqlarını bəyan ediblər.

Sina Yusifi, Qasım Bodi və Əmir Mahdipur 15 Oktyabr şənbə günü təhlükəsizlik qüvvələri tərəfindən həbs edilərək Təbriz Mərkəzi Həbsxanasına aparılıb.

Qeyd edək ki, Doğu Azərbaycan Vəkillər Birliyinin İnsan Haqları Komissiyasının müavini Sina Yusifi bu il oktyabrın 14-də Vəkillər Birliyinin İnsan Haqları Komissiyasında son etirazlarda həbs olunan vətəndaşlar üçün müdafiə komitəsinin yaradılması barədə məlumat vermişdi.