Azərbaycanlı vəkil Qasım Bodiyə 5 ay həbs və 2 il ölkədən çıxış qadağası verilib

İnqilab Məhkəməsinin birinci şöbəsi tərəfindən "rejim əleyhinə təbliğat" ittihamı ilə 5 ay həbs və 2 il ölkədən çıxış qadağasına məhkum edilən Azərbaycanlı vəkil Qasım Bodi bu hökmün yekunlaşdığını açıqlayıb.

Bu azərbaycanlı hüquqşünas onu da bildirib ki, Təbrizin 112-ci Cinayət Şöbəsi tərəfindən başqa bir ittihamla (insanları iğtişaşlara təhrik etmək) 3 ay 1 gün həbs və 8 milyon tümən cərimələnib ki bu hökm Doğu Azərbaycan əyalətinin apellyasiya məhkəməsində dəyərləndirməyə alına bilər.

Cənab Bodi istintaq mərhələsində vəkilin olmasının mümkünsüzlüyünü tənqid edib və sərbəst buraxıldıqdan sonra twitində yazıb: "İstintaq mərhələsində mən prokurora, müstəntiqə və hakimə elan etdim ki, ölkə qanunlarına görə cinayət törətmişəm! Bəs mənim vəkil təyin etmək hüququm haradadır? Nə üçün verilən qirovu qəbul etməkdən imtina edirsiniz? Bu Konstitusiyanın 35-ci maddəsinin və 48, 190 5,226 ADK maddələrinin açıq şəkildə pozulmasıdır "

Qasım Bodi 15 oktyabr şənbə günü şəxsi evində təhlükəsizlik qüvvələri tərəfindən həbs edildi və 23 Noyabr 2022-ci il çərşənbə günü təxminən 40 gündən sonra məhkəməyə qədər qirov qarşılığında sərbəst buraxıldı.