İnqilab Keşikçilərinin terror qruplaşması olaraq tanınması İsveç parlamentində təsdiqlənib

İnqilab Keşikçilərinə beynəlxalq təzyiqlərin artmasının ardınca İsveç parlamentinin nümayəndələri Avropa İttifaqı tərəfindən İnqilab Keşikçiləri Korpusunun terrorçu elan edilməsi planını təsdiqləyiblər.

İsveç Parlamentinin Xarici Əlaqələr Komitəsinin təqdim etdiyi bu plan mayın 10-də İsveç parlamentinin bütün səkkiz sağ və sol partiyası tərəfindən qəbul edilib və 349 nümayəndə buna səs verib.

Bu plana əsasən, İsveç hökuməti İnqilab Keşikçiləri adının Avropa Birliyinin terrorçu siyahısına salınmasına cəhd göstərməli olub. İsveç parlamentinin İran əsilli üzvü Əliriza Axundi daha öncə bu planın İsveç parlamentində təsdiqlənməsi cəhdini açıqlamışdı.

İsveç parlamentinin bu hərəkəti İran İslam Respublikasının məhkəməsinin mayın 6-da Həbib Çəəbı “Əl Nidal” qruplaşmasının lideri olmaq və 69 nəfərin ölümü ilə nəticələnən silahlı hücumların planlaşdırılmasında iştirak etməkdə edam etdiyindən sonra baş verib.

Bu il yanvarın 18-də Avropa ölkələrinin bir çox nümayəndələrinin İnqilab Keşikçilərini terror qruplaşmaları siyahısına daxil etmək xahişindən sonra Avropa Parlamenti böyük səs çoxluğu ilə bu plana düzəlişin lehinə səs verdi. Bu səsvermə 638 deputatın iştirakı ilə baş tutub və İnqilab Keşikçiləri Korpusunun terrorçu kimi tanınmasına dair düzəliş millət vəkillərinin lehinə 598 səslə təsdiqlənib.