Həbsdə olan etirazçılara təzyiqlərin davam etməsi; Mücahid Kurkurun görüşləri kəsilib

İrandan alınan xəbərlərə görə, edama məhkum edilmiş məhbus Mücahid Kurkurun qohumlarından biri onun ailəsi ilə görüşməsinə mane olduğunu bildirib.

Mücahid Kurkur kimi tanınan Abbas Kurkurun yaxın qohumlarından biri “Radio Fərda”ya bildirib ki, Ali Məhkəmə Mücahidin ailəsinə görüş vərəqəsi vermişdi, lakin Mücahidin valideynləri iyunun 14-də Əhvazın Şiban həbsxanasına görüşə gedəndə onların qarşısı alınıb və bu məktub etibarlı deyil deyilib.

Mücahid Kurkura yaxın olan bu mənbə bildirib ki, bu siyasi məhbus həbs olunduqdan sonra ailəsi ilə yalnız bir dəfə görüşüb və bir neçə aydır ki, Şiban həbsxanasında təkadamlıq kamerada saxlanılır.

Mücahid Kurkurun işi ölkənin Ali Məhkəməsindədir və bu məhkəmə hələ yekun qərarını açıqlamayıb. Ədliyyə orqanları Mücahidə qarşı iş açıb və onu ümummilli etirazlar zamanı İzədən olan doqquz yaşlı yeniyetmə "Kian Pirfalak"ı öldürməkdə ittiham edərək edam hökmü çıxarıb. Bununla belə, Kian Pirflakın ailəsi dəfələrlə oğlunun qətlində Mücahidin günahsız olduğunu vurğulayaraq agentlər tərəfindən açılan atəşi gördüklərini bildiriblər.

Mücahid Kurkurun ailəsi və vəkilləri ölkənin Ali Məhkəməsinə istinad edərək Kian Pirfalakin ailəsinin rəsmi qeydiyyatdan keçirdoyi sənədi təqdim ediblər.

Başqa xəbərə görə, Əhvaz İnqilab Məhkəməsi ötən həftə Əhvazlı ərəb mədəni fəal “Mustafa Fili” iki il müddətinə azadlıqdan məhrum edib. Karun İnsan Haqları Təşkilatına verilən məlumata görə, Əhvaz İnqilab Məhkəməsinin 2-ci şöbəsinin hakimi Kotizadə bu mədəni fəalı “rejim əleyhinə təbliğat” ittihamı ilə 2 il müddətinə azadlıqdan məhrum edib. Bir neçə aydır Əhvazın Şiban həbsxanasında olan Fili daha öncə mədəni fəaliyyətinə görə Əhvaz Kəşfiyyat İdarəsi tərəfindən həbs edilmiş və bir müddət həbsxanada yatmışdı. Məlumatlara görə, bu siyasi məhbusun fiziki vəziyyəti ağırdır.