ایسلام جمهورییتینین تلویزیون کاناکلاردا بیر اوزمانین ایسلام جمهورییتینین رهبری علی خامنهاینین حیاتی ایله باغلی سؤیلهدیگی سؤزلر اطرافیندا یارانان موباحیثه همشهری قزئتینین مودیری عبدالله گنجینین آچیقلامالاری ایله یئنی مرحلهیه قدم قویوب.
۲۹ خرداد دا موحافیظهکار ژورنالیست عبدالله گنجی اؤز توییتر صفحهسینده ادعا ائدیب: دوزدور، ایسلام جمهورییتینین رهبری ۱۳۶۹-۱۳۷۲-جی ایللر آراسیندا کانکسده یاشاییردی و حتی آیتالله خوشوقتین اوشاقلارینین ائلچیلیگی ده بو کانکسده کئچیریلدی.
علی خامنهاینین بو کانکسده یاشادیغی ادعاسی ایلک دفعه چارشنبه گونو، ۲۵ خرداد دا ایسلام جمهورییتی تلویزیونو پروقرامیندا دئییلمیشدی.
بو پروقرامدا افق شبکهسینده یاییملانان هاشور پروقرامینین اوزمانی ایسلام جمهورییتینین حاضرکی رهبرینین بو مقاما چاتدیقدان سونرا بیر نئچه ایل کانکسده یاشادیغینی ادعا ائدیب.
آز سونرا اکبر هاشمی رفسنجانینین قارداشی محمد هاشمی رفسنجانی رادیو و تلویزیون اوزمانینین علی خامنهاینین رهبرلیگینین ایلک بیر نئچه ایلینده بو کانکسده یاشاماسی ایله باغلی ادعاسینا بئله تپکی وئریب: رهبرین کانکسده یاشادیغینی خاطیرلامیرام.
کئچمیش رادیو و تلویزیون رئیسی محمد هاشمی رفسنجانی دیدبان ایرانا دئییب: دوزدور، او واخت اؤلکهده وضعيت یاخشی دئییلدی، آنجاق رهبرین کانکسده یاشاماسینی قبول ائده بیلمیرم.
بونونلا باغلی فارس خبر آژانسی، آیت الله خوشوقتین اوغلو محمد حسین خوشوقتین خامنهاینین ائوینده آیت الله خوشوقتین قیزی و ایسلام جمهورییتینین رهبرینین اوغلونون توی مراسیمی ایله باغلی خاطیرهسینی نقل ائدیب.
فارسدا استناد ائدیلن بیر خاطیرهیه گؤره، مراسیم ساده ائوده کئچیریلدی! رهبر بو کانکسده یاشاییردی! جمهورباشقانلیغی دایرهسینین باتیسیندا آذربایجان کوچهسینده بیر قاتلی بیر کانکسین تیکیلدیگی بوش یئر ایدی. رهبرین اوفیسی ده همین يئرده ایدی.
ایسلام جمهورییتی رهبرینین گلینینین قارداشی دا دئییب: کانکسین ایچینده اوتورموشدوق؛ بیردن دامدان شوک ائذیجی سس ائشیتدیک. شام مئیوهسی یئره کانکسین دامینا دوشموشدو. اؤز-اؤزومه دئدیم کی، بو قورولوش چوخ ساده اولسا دا، گوونلیکلی دئییل. الله ائلهمهسین رهبر و اونون عائلهسینه بیر شی اولماسین.
بو آچیقلامالار رویترز خبر آژانسینین ۲۰۱۳-جو ایلده ایسلام جمهورییتینین رهبری آیت الله خامنهاینین "ایمام خمینینین ایجرا قرارگاهی" آدلی تشکیلاتا نظارت ائتدیگی و بو تشکیلاتین وارلیغینین ۹۵ میلیارد دلار اولدوغو راپوروندان بیر نئچه ایل سونرا باش وئریر".
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق