ایرانوایره چاتان خبره گؤره تورک مدنی فعال بهزاد خدابندهلونون ایستینطاق اوتورومو دونن ۱۴ اسفند ۱۴۰۲-جی ایلده قوشاچای (میاندواب) شهری عومومی و اینقیلاب ساوجیلیغینین اوچونجو شؤبهسینده کئچیریلیب و محکمهیه قدر ۳۰۰ میلیون تومنلیک گیروو قارشیلیغیندا سربست بوراخیلیب.
بو آذربایجانلی فعال بوندان اؤنجه شخصی اینستاگرام صفحهسینده بیلدیرمیشدی کی، ۸ اسفند ۱۴۰۲-ده محکمه سیستمینین الکترون سیستمی (ثنا) واسطهسیله آلدیغی بیلدیریشده ۵ گون ایچینده قوشاچایین عومومی و اینقیلاب ساوجیلیغینین ۳-جو شؤبهسینده اولمالیدیر.
چاغیریش ورقهسینده بو آذربایجانلی مدنی فعالین اتهاملاری “رژیمه موخالیف قروپ و یا تشکیلاتلارین خئیرینه تبلیغات”، “قامواویونو پوزماق” و “رژیمه قارشی تبلیغات”دیر. خبرین یازیلدیغی آنا قدر نه اوچون بو اتهاملارین اونا قارشی ایرهلی آپاریلدیغی بارهده اطرافلی معلومات یوخدور.
بوندان اؤنجه ۲۹ بهمن گونو گوونلیک گوجلری بهزاد خدابندهلونون یاشادیغی آتا ائوینه باسقین ائدیب و او ائوده اولمادیغی اوچون حبس ائده بیلمهییبلر و ائوده آختاریش آپاریبلار.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق