“قادین، حیات، آزادلیق” اعتراض آکسییالارینین محبوسلاریندان اولان “سهند نورمحمدزاده” ۲۲ اسفند ۱۴۰۲-ده گونورتا ساعتلاریندا آزادلیغا بوراخیلیب.
ایرلنوایرین الده ائتدیگی بیلگیلره گؤره، او، “جینایت قانونون ۵۲۲-جی مادهسینه اساساً، گؤزون موعالیجهسی و جراحي اوچون” طبی مرخصییه گؤندریلیب.
جناب نور محمدزاده ۱۲ مهر ۱۴۰۱-ده تهرانین باتیسیندا ائوینین قارشیسیندا توتولوب و ۱۶ آبان گونو او، تهرانین اینقیلاب محکمهسینده موحاکیمه اولونوب و “اجتماعی اموالی داغیتماق و یاندیرماقلا موحاریبه آپارماق و اؤلکهنین گوونلیگینه قارشی جینایت تؤرتمک و توپلومسال دوزنی پوزماق مقصدی ایله البیر اولماق” اتهامی ایله اعدام جزاسینا محکوم ائدیلیب کی، بو حؤکم ۱۰ فروردین ۱۴۰۲-ده لغو ائدیلدی.
سهند نورمحمدزاده، ۱۴۰۱-جی ایلین دی آییندا تجریدخانادان گؤندردیگی سسلی مئساژدا، بیر نئچه دفعه اونا قارشی ایرهلی سورولن اتهاملاری رد ائدهرک، حتی محکمهنین ایستیناد ائتدیگی ویدئولارا اساسلاناراق، نه عومومی اموالا، نه ده هئچ کیمه، او جوملهدن پولیس و گوونلیک ایشچیلرینه ضرر وئرمهدیگینی و یانیندا ایستی و یا سویوق سلاحین اولمادیغنی بیلدیریب.
او، ساخلاندیغی مدتده ایشگنجهلره معروض قالدیغینی دا بیلدیرهرک، فشافویه حبسخاناسیندان تلفون دانیشیغیندا دفعهلرله گؤزو باغلی ساختا اعدام ائدیلدیگینی بیلدیریب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق