بیلگیلی بیر قایناق چارشنبه گونو ۲۳ اسفندده آمریکا سسینه بیلدیریب کی، ۲۱ یاشلی وطنداش نگار کریمیان لورستان ایالتینین الیگودرز شهرینده بیر پولیس مامورونون بیرباشا عائلهنین اتومبیلینه آتش آچماسی سونوجوندا اؤلوب.
بو قایناق آرتیریب کی، ۱۹ اسفند سحر ساعت بیرده الیگودرزدن اصفهانا قاییدارکن نگار کریمیانین اولدوغو اتومبیله نارکوتیک داشییان اتومبیل یئرینه سهواً بیر متر مسافهدن آتش آچیلیب.
بو خبره گؤره، گولـله سوروجونون یان قاپیسیندان کئچهرک نگار کریمیانین آتاسینین الینی یارالاییب، نگارین قارنینا ديیب کورگیندن چیخیب و داها سونرا یولجو قاپیسیندان چیخیب. بو قایناق نگاری داشییان آوتوموبیلین اوزریندهکی گولـله ایزینین فوتوسونو گؤندرمکله داها سونراکی زنگینده گولـلهنین ماشینین سوتونونون ایچریسینده ایلیشیب قالدیغینی و چیخمادیغینی آنلادیقلارینی بیلدیریب.
بو خبره گؤره، حادثه زامانی اتومبیلده نگار کریمیان و آتاسی ایله یاناشی، اونون ایکی باجیسی و باجیلاریندان بیرینین حیات یولداشی دا اولوب و بو حادثهدن سونرا نگار کریمیان الیگودرزین ایمام صادق خستهخاناسینا گؤندریلیب و سحر ساعت ۰۳:۳۰-دا ایچ قانامادان اؤلوب.
بیلگیلی قایناقلاردان الده ائتدیگیمیز بیلگیلره گؤره، تقصیرکار مامور حاضردا حبسدهدیر. بیلگیلی قایناغین سؤزلرینه گؤره، نارکوتیک ماده اولان اتومبیلین حرکتی ایله باغلی پولیسه بیلگی وئردیکدن سونرا، سیویل گئییملی بیر مامور دور امری وئرمهدن بیرباشا کریمیان عائلهسینین اتومبیلینه آتش آچیب.
بونونلا باغلی هنگاو حوقوق مودافیه تشکیلاتینین داها اؤنجه یایدیغی بیر راپوردا بیلدیریب کی، نگار کریمیان ۲۱ یاشیندا و سوبایدیر، ۲۸ مرداد ۱۳۸۱-جی ایلده آنادان اولوب، اصفهاندا دوغولوب و یاشاییر و اصلاً بروجن شهرینین بختیاریلریندندیر.
اؤتن ایلین اسفند آییندا دا اصفهاندا چئویک قوهلرین بیر عائلهنی آتشه توتماسی سونوجوندا ایکی یاشلی اوشاق حیاتینی ایتیرمیشدی. اؤتن ایلین قیشینین ایلک گونلرینده هرمزگان ایالتینده یولدا مامورلارین بیر اتومبیله آتش آچماسی سونوجوندا سها اعتباری آدلی ۱۲ یاشلی قیز اؤلوب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق