ایرانوایره چاتان خبرلره گؤره علی رضیزاده نادارلی (نظرلو) دونن، ۱۴ آبان ۱۴۰۰-ده عائلهسی ایله دانیشیق زامانی اوین حبسخاناسینین ۸-جی بندینه کؤچورولدویونو بیلدیریب.
۷ آبان ۱۴۰۲-ده تهراندا یاشایان تورک مدنی فعال علی رضیزاده نادارلی (نظرلو) بیر ایللیک حبس جزاسینی چکمک اوچون بیر سیرا مدنی فعالین موشایعتی ایله اوین حبسخاناسینا گئدیب.
تهران ایالتینین تئمییز محکمهسینین ۳۶-جی شؤبهسی تورک مدنی فعال علی رضیزاده نادارلینین (نظرلو) ۲ ایل حبس جزاسی و اک جزالارینی تصدیق ائدیب و بو حؤکمون بیر ایلینی ۵ ایل مووقتی دایاندیریب.
داها اؤنجه علی رضی زاده نادارلی حاکم صلواتینین باشچیلیق ائتدیگی تهران اینقیلاب محکمهسینین ۱۵-جی شؤبهسی طرفیندن اؤلکهنین گوونلیگینین پوزولماسینا سبب اولان قئیری قانونی پان ترکیسم قروپلاشماسینا عضوو اولماق اتهامی ایله ۲ ایل حبسه و اک جزا اولاراق ۲ ایل قروپلارا عضو اولماق و اؤلکهدن چیخیش قاداغاسی ایله جزالاندیریلمیشدی.
دادنامهده دئییلیر کی، اینستاگرامدا ائتنیک و پانتورکیست دوشونجهلرین تبلیغی و بؤلوجو حرکاتلارین دستکلنمهسی ساحهسینده صفحهنین یارادیلماسی و گوونلیگه قارشی پانتورکیست محکوملار، گاماج، عباس لسانی و لطیف حسنی و ابراهیم نوری و.... دستکهدیگی اوچون ۲ ایل حبسه و اک جزا اولاراق ۲ ایل قروپلارا عضو اولماق و اؤلکهدن چیخیش قاداغاسینا محکوم ائدیلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق