آذربایجان شهید مدنی بیلیمیوردونون قووولموش اؤیرنجیسی آرمیتا پاویر ۱۵ آبان ۱۴۰۲-ده تبریز حبسخاناسیندان عائلهسینه ائتدیگی زنگده قئیده آلینان سسلی فایلدا مامورلارین قئیری-قانونی داورانیشی سببیندن چوخلو آجلیق آکسییالاری کئچیردیگینی دئییر.
بو ایل ۳۰ شهریور گونو حبس ائدیلن آرمیتا پاویر آجلیق آکسییاسینین دؤردونجو گونونه قدم قویوب. او، محبوسلارین سوچلارینین آیریلماماسی ایله باغلی قانونون ایجرا اولونماماسی و پروندهسینه باخیلماماسی و حبسخانا یئتکیلیلرینین قانونسوز داورانیشی سببیندن آجلیق آکسییاسینا باشلاییب.
خانیم پاورین سؤزلرینه گؤره، او اؤتن ایل اعتراض آکسییالاریندا ایشتیراک ائتدیکدن سونرا بیر آیدان چوخ حبسده اولوب و داها سونرا مادی بیر سوچ ایله یئنیدن حبس ائدیلیب. اونون پروندهسی مادی اولسا دا، ماليه محبوسلاریندان آیری ساخلانیلیر و هئچ کیمله ایلهتیشیم قورماق، حتی ماغازادان آلیش وئریش ائتمک حوقوقو یوخدور و بوتون اشیالاری آختاریلیر. آیریجا چئشیدلی یئتکیلیلر اونا تضییق ائدیب کی، عفو اولونماق اوچون حبسخانایا گئدهرک تؤوبه مکتوبو یازسین.
بو سس فایلین سونوندا آرمیتا پاویر دئییر کی، اونون هئچ بیر اساس خستهلیگی و یا روحی پوزغونلوغو یوخدور و اونون اوچون یارانا بیلهجک هر هانسی پروبلئم بیرباشا یئتکیلیلرین و سیستمین مسوولیتی اولاجاق. خانیم پاورین ایشی دورغون اولاراق قالیر و کئچن ایلکی اعتراض آکسییالاریندا ایشتیراکینا گؤره پئشمان اولمادیغینا گؤره داوام ائتدیریلمیر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق