ایرانوایره چاتان خبره گؤره، تورک مدنی فعاللار داود شیری، آراز ابراهیم نژاد و سیدمحمدرضا موحد ۱۸ آذر ۱۴۰۲-ده محکمهیه قدر ۵۰۰ میلیون تومنلیک گیروو قارشیلیغندا تبریز مرکزی حبسخاناسیندان سربست بوراخیلیبلار.
بو آنا قدر بو آذربایجانلی فعاللارین حبسینین سببلری و اونلارا قارشی ایرهلی سورولن اتهاملار بارهده آیرینتیلی بیلگی یوخدور.
داود شیری، آراز ابراهیم نژاد، سیدمحمدرضا موحد، مرتضی نورمحمدی نادارلی، مهرداد قادری،حسین آزادی و حامد یگانه پور، امیر حسین آقایی، ابراهیم عوض زاده، ناصر رزمجونون سربست بوراخیلماسیندان سونرا هله ده یوروش(آیت) مهرعلی بیگلو، علی بابایی و جواد سودبر اوچ آیا یاخیندیر کی، تبریزین اطلاعات ایدارهسینین تجریدخاناسیندادیرلار.
بو ایل ۷ آذرده حبسده اولان آذربایجانلی مدنی فعاللارا دستک مقصدیله رپ ماهنیسی ایفا ائتدیگی اوچون فتا پولیسی طرفیندن حبس ائدیلن میلاد جلیلی (ایلشن) عائلهسینه زنگ زامانی تبریزین اطلاعات ایدارهسینه تحویل وئریلدیگینی بیلدیریب.
کئچن هفته بیر قروپ آذربایجانلی رپر تورکجه رپ ایفالاری ایله ایلشنه دستکلرینین یانی سیرا حبسده اولان باشقا محبوسلارا دا اؤز دستکلرینی بیلدیرمیشدیلر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق