اهر حبس‌خاناسیندا ساخلانیلان تورک مدنی فعال و سیاسی محبوس صالح ملاعباسی دونن ۳۰ آذر گونو مرخصی‌یه گؤندریلیب.
آذربایجان مئدیاسی‌نین یازدیغینا گؤره ۱۳ آذر گونو حبس اولوناراق ۹۱ گونلوک حبس جزاسینی چکمک اوچون اهر زیندانینا کؤچورولن بو مدنی فعال یاخینلاریندان بیری‌نین اؤلومو ایله باغلی اولاراق ۷ گونلوک مرخصی‌یه گؤندریلیب.
۱۳ آذر گونو سحر ساعتلاریندا پولیس امکداشلاری قئیری-اینسانی داورانیشلا و قانونو پوزاراق صالح ملاعباسی‌نین ائوینین دیوارینا دیرماشاراق حبس ائدیبلر.
اهر شهری جزا محکمه‌‌سی‌نین ۱۰۱-جی شؤبه‌سی‌نین باشچیسی امیر خدیوی بو مدنی فعالی توپلومسال دوشونجه‌یی پوزماق مقصدی ایله یالان یایماق اتهامی ایله ۹۱ گون حبس جزاسینا محکوم ائدیب.
کئچمیش سیاسی محبوس و مدنی فعال صالح ملاعباسی اهرلی‌دیر. او، ۱۴۰۱-جی ایل مهر آیینین ۷-ده بوتون ایراندا حؤکومت قارشیتی اعتراضلارین داوام ائتدیگی بیر واختدا حبس ائدیلمیش و تبریز اطلاعات ایداره‌سی‌نین تجرید‌خاناسینا کؤچورولموشدور. بو تجرید‌خانادا حبسده ساخلانما و قرارسیزلیغا اعتراض اولاراق آجلیق آکسییاسی کئچیریب و نهایت ۱۸ آباندا محکمه‌‌‌یه قدر مووقتی اولاراق گیروو قارشیلیغیندا سربست بوراخیلیب.
صالح ملاعباسی ۱۳۹۴-جو ایلده اعتراض آکسییالاریندا ایشتیراک ائتدیگینه گؤره حبس ائدیلیب و ۱۰ آی مدتینه حبس ائدیلیب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق