سعیده نصیری ۱۴۰۲-جی ایلده اسرائیللی رقیبله دؤیوشمهسینه ایجازه وئریلمهین و دونیا اوزره آپاریلان بیر یاریشدان کنارا قویولان ایلک ایرانلی ایدمانچی اولدو.
ایرانلی گنج تکواندوچو سعیده نصیری چینین ووشی گرند اسلم تکواندو یاریشینین ۱/۴ فینالیندا اسرائیللی آبیشگ سمبرگ ایله قارشیلاشمالی اولوب. لاکین تکواندو فدراسیونونو قاداغاسی سببیندن رقیبی ایله قارشیلاشماغا ایجازه وئریلمهییب و یاریش ماساسیندان کنارلاشیب.
بوندان اؤنجه ایران میلی المپیک کومیتهسینین رئیسی “محمود خسروی وفا” ۱۴۰۱-جی ایلین بهمن آییندا اولوسلارآراسی المپیک کومیتهسینین رئیسی “توماس باخ”لا کئچیردیگی گؤروشده ادعا ائتمیشدی کی، ایرانلی ایدمانچیلار اؤز ایستکلری ایله اسرائیللی رقیبلرله گؤروشمک ایستمیرلر.
ایسلام جمهورییتی سون ۴۴ ایلده ایرانلی ایدمانچیلارین اسرائیللی رقیبلره قارشی دؤیوشمهسینه ایجازه وئرمهییب.
سعیده نصیری بو یاریشلارین سونونجو تورونون ایکینجیسی اولاراق بو یاریشلارین اساس جدوهلینه یوکسلمیی باجاریب. او، اسرائیللی رقیبه مجبوری مغلوبیتله پاریس المپیک یاریشلارینا قاتیلماق اوچون ان اؤنملی شانسلاریندان بیرینی ایتیردی.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق