ایران مئدیاسی خبر یاییب کی، پرئمیئر لیگا یاریشینین ایلک هفتهسینده کئچیریلن سپاهان-تراکتور اویونونون سپیکری بیرینجی یاریدا « قادینلارین یئری تریبونلاردا بوشدور» دئدیگی اوچون اویونون ایکینجی یاریدا اویونو سسلندیرمک اوچون اونا ایجازه وئریلمهییب.
دوون جوما آخشامی ۱۹ مرداد ۱۴۰۲-جی ایلده سپاهان و تراکتور کوماندالاری آراسیندا کئچیریلن گؤروشده اویونون سپیکری "اسماعیل حسینی" ایدی. او، ایلک یاریدا نقش جهان استادیومونون تریبونالارینین چوخونون دولو اولدوغونا ایشاره ائدهرک دئییب کی، سپاهانین قادین طرفدارلارینین یئری حقیقتاً بوشدوربو جوملهدن سونرا ایکینجی یارینین باشیندا او یئرینی محمدامین حیدرییه بوراخیب.
فوتبول فدراسیونونون قادینلارین استادیوملاردا اولماسی ادعاسینا باخمایاراق، دؤولت قوروملاری هله ده قادینلارین استادیوملاردا اولماسینا قارشی چیخیر.
ایسلام جمهورییتی فوتبول فدراسیونون رئیسی "مهدی تاج" داها اؤنجه پرئمیئر لیگ باشلامازدان اؤنجه بعضی قادین ژورنالیستلرله کئچیردیگی گؤروشده اونلاردان قادینلارین استادیوملاردا اولماماسی مسئلهسینی موذاکیره ائتمهمهلرینی ایستهمیشدی.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق