ایران مئدیای ایسلام جمهورییتینین جمهورباشقانی “ابراهیم رئیسینین” دونیا فوتبول فدراسیونونون باشقانیجیانی اینفانتینو ایله گؤروشوندن خبر یاییب.
جمهورباشقانلیغی اینترنت سایتی جیانی اینفانتینونون ابراهیم رئیسی ایله گؤروشدن شاد اولدوغونو ادعا ائدهرک، یاخین واختلاردا ایران اولدوزلاری ایله دونیا اولدوزلاری آراسیندا دوستلوق گؤروشونون ایراندا کئچیریلمهسینی تکلیف ائتدیگینی یازیب. جیانی اینفانتینو، طبیعی کی، بو اویونون هانسی استادیومدا کئچیریلهجهیینی دقیقلشدیرمهییب.
آزادی استادیومو النصر و پرسپولیس کوماندالارینین گؤروشوندن سونرا بو استادیومون دورومو عرب و بین اولوسلارآراسی مئدیانین لاغ ائتمهسینه سبب اولوب.
بو گؤروشله عینی واختدا ایسلام جمهورییتی فوتبول فدراسیونونون رئیسی مهدی تاج دؤولت مئدیاسی «ورزش سه» ایله صؤحبتینده بیلدیریب کی، تئزلیکله ایرانین پولو فیفایا بوراخیلاجاق.
فیفا باشقانی حؤکومتین امری ایله قادینلارین استادیوما گیریشینین قاداغان ائدیلمهسی، فوتبولچولارین حبسی و فوتبول مشقچیلرینین قاداغان ائدیلمهسی و گوونلیک قوروملارینین ایران فوتبولونا موداخیلهسی بارهده هئچ نه قئید ائتمهییب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق