تورک مدنی فعال فرهاد حسینینین عائلهسی اونون دورومونو اؤیرنمک اوچون دونن، چارشنبه گونو، ۲۹ شهریور ۱۴۰۲-جی ایلده زنجانین عومومی و اینقیلاب ساوجیلیغینا گئدیب و اوغلونون اینقیلاب کئشیکچیلرینین اطلاعاتینین تجریدخاناسیندا حبسده اولدوغونو اؤیرهنیب.
دونن فرهاد حسینی زنجانین عومومی و اینقیلاب ساوجیلیغینین دوققوزونجو ایستینطاق شؤبهسینه تحویل وئریلیب و اتهاملاری ایضاح ائدن موستنطیق اونا بیلگی وئریب کی، اونون حبسی بارهده قرار ۳ مهر ۱۴۰۲-جی ایل تاریخینه قدر اوزادیلیب.
عدليه یئتکیلیسینین آچیقلاماسینا گؤره، فرهاد حسینی ایلکین آراشدیرمالار تاماملانانا قدر زنجانین اینقیلاب کئشیکچیلرینین تجریدخاناسیندا اولاجاق.
فرهاد حسینینین عائلهسی بیر نئچه ساعت، زنجان محکمهسینده اولماسینا باخمایاراق، اوغلو ایله گؤروشه بیلمهییب.
فرهاد حسینی ایرهلی گون آخشام ساعتلاریندا زنجانداکی ائوینده حبس ائدیلن ۲۸ یاشلی زنجانلی مدنی فعالدیر.
زنجان آزاد بیلیمیوردونون یوکسک لیسانس اؤیرنجیسی اولان جناب حسینی زنجان ایالتی مئدیاسیندا، او جوملهدن بایرام ژورنالیندا ژورنالیست اولاراق چالیشمیش، مدنی-اجتماعی ساحهده مقالهلر یازمیشدیر.
فرهاد حسینی زنجانین مدنیت و ادبی مرکزلرینده ده فعالیت گؤسترمیش و بیر نئچه مدت زنجان ایمام مدنيت مرکزینده تورک دیلی و ادبياتی درسی دئمیشدیر.
یوروم یازماق