تابناک خبر آژانسی ایران فوتبولوندا یولسوزلوق و روشوت پروندهسینه “فوتبول فدراسیونونون یوکسک سويهلی مودیری”نین آچیلدیغینی آچیقلاییب.
بو مودیرین آدینی چکمهدن بو مئدیا اونو “فدراسیونون بؤیوک توخومو” آدلاندیریب و اونون اؤتن ایللر ایچینده کیرمان ایالتینده بیر کلوبدان ۲۰۰ قیزیل سکه روشوت آلدیغینی ادعا ائدیب. تابناکین خبرینه گؤره، فوتبول فدراسیونونداکی بو مودیر و یا ایجرا باشچیسینین روشوت آلماسی مسئلهسی مس رفسنجان کلوبونون فساد پروندهسی ایله باغلی موتهیملرین دیندیریلمهسی زامانی بللی ائدیلیب.
بو راپورا گؤره، ۸ میلیارد تومنه برابر اولان ۲۰۰ قیزیل سکه روشوت وئرن کلوب مس رفسنجان دئییل، کیرمان ایالتینین پرئمیئر لیگذهکی صنعتی کلوبلاریندان بیریدیر.
تابناک بو شخصی “تهران ساوجیلیغیندا فوتبوللا باغلی آچیق محکمه پروندهلری اولان ایدارهچی” کیمی تقدیم ائدیب.
یوروم یازماق