تراختور کومانداسینین ایکی طرفداری سپاهان ایله کئچیریلن اویندان سونرا تبریز شهرینده گوونلیک گوجلری طرفیندن حبس ائدیلیب.
همشهری آنلاین بو ایکی تورک طرفدارین حبسینی آذربایجان جمهورییتینین بایراغینین سرگیلنمهسی ایله باغلی اولدوغونو بیلدیریب و یازیب: "سپاهان" ایله "تراختور" اویونوندا ایکی نفرین آذربایجان جمهورییتینین بایراغینی سرگیلندیردیکلرینین آردینجا بو ایکی نفر گوونلیک اورقانلاری طرفیندن حبس ائدیلیب.
همشهرینین یازدیغینا گؤره بو شخصلرین کیملیگی ایله باغلی آیرینتیلی بیلگی یوخدور و بعضی خبر قایناقلاری بو شخصلری پانتورک قروپ آدلاندیردیقلاری قروپلار ایله ایلیشگیسینین اولماسی احتیمالینی بیلدیریبلر.
بو ایکی محبوسون ساخلاندیغی یئر، ساخلاندیقلاری واخت، مومکون اتهاملاری و سون دورومو بارهده آیرینتیلی بیلگی یوخدور.
تراختورون طرفدارلارینین توتولماسی ایلک حال دئییل. سیامک سیفی، میلاد زینالعابدینی، صمد حیدری، امین تقی زاده و امیر تقی زاده آدلی بیر سیرا تورک مدنی فعال دا، ۲۳ اسفند ۱۴۰۲-ده تراختور-هوادار کوماندالاری آراسیندا کئچیریلن اویون باشا چاتدیقدان سونرا تبریزین سهند استادیومونو ترک ائدرکن حبس ائدیلمیشدی.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق