بو گون خوزیستان ایالتینین مشراگه شهرینده ۴.۹، ۴.۴، ۴.۱، ۴.۵ و ۳.۵ گوجونده آردیجیل ۵ زلزله باش وئریب.
ایران خبر آژانسلارینین وئردیگی بیلگیلره گؤره، تهران بیلیمیوردونون ژئوفیزیک انستیتوسونون میلّی سئیسمولوژی مرکزینین سئیسمیک آغلاری ۱۷ فروردین جوما گونو ساعت ۱۲:۱۵:۵۵-ده ۴.۹ گوجونده زلزله قئیده آلیب.
۱۶ کیلومتر درینلیکده باش وئرن بو زلزلهنین کوردیناتلاری ۳۱.۰۷ درجه قوزئی ائنی، ۴۹.۳۹ درجه دوغو اوزونلوغوندا قئیده آلینیب.
بو زلزله خوزیستان ایالتینین مشراگه شهریندن ۸ کیلومتر، رامشیردن ۱۹ کیلومتر و رامهرمزدان ۳۱ کیلومتر آرالیدا باش وئریب.
آیریجا ساعت ۱۲:۲۴:۰۹-دا ۱۰ کیلومتر درینلیکده ۴.۴ گوجونده، ۱۲:۲۸:۳۵ ثانیهده ایسه ۹ کیلومتر درینلیکده ۴.۱ گوجونده زلزله بو اراضینی یئنیدن سیلکلهییب.
بو آنا قدر بو زلزلهنین مومکون داغینتیلاری و ایتکیلری ایله باغلی هئچ بیر خبر یاییلماییب.
یوروم یازماق