سوسیال شبکهلرده کیومرث پور احمدین باجیسینا عاید ائدیلن بیر یوروم یاییلیب. توران پوراحمد سینما ائوی صفحهسی ایله باغلی اینستاگرام پایلاشیمینین آلتینداکی یورومدا قارداشینین اؤنجه ایشگنجهلره معروض قالدیغینی، سونرا ایسه جانسیز بدنینین آسیلدیغینی ادعا ائدیب.
کیومرث پور احمدین اؤلومونون ایلدؤنومونه تصادوف ائدن گونده باجیسی سینما ائوینین اینستاگرام صفحهسینده حمیدرضا روحینین نئجه اؤلدورولدویو ایله باغلی قادین، حیات، آزادلیق حرکاتینین محبوسلاریندان سپهر رکوئینین یورومونون آلتیندا یازیب: قارداشیمین آیاغی هئچ یئرده ایلیشمهدی، اؤنجه اونا ایشگنجه وئردیلر، سونرا ایسه جانسیز بدنینی آسدیلار. کیومرث پور احمد ۱۶ فروردین ۱۴۰۲-جی ایلده وفات ائتدی. یئتکیلیلر اونون اؤزونو آسدیغینی بیلدیریبلر. اونون آسیلمیش جسدینین شکلی سوسیال شبکهلرده یاییملانیب. بو شکیلده کیومرث پور احمدین اللرینده قاناخما ایزلری گؤرونور.
جناب پور احمد ۱۳۵۷-جی ایل اینقیلابیندان سونرا ان اؤنملی یؤنتمنلردن ایدیکی کی، ایران خالقینین اعتراضلارینین قانلی شکیلده یاتیریلماسینا قارشی فجر حؤکومتی فیلم فئستیوالینی بویکوت ائتمشدی. ایران صنعتچیلرینین بعضی اعتراض آچیقلامالاریندا کیومرث پور احمدین ایمضاسی، او جوملهدن حبسده اولان یازیچی بکتاش آبتیننین اؤلدورولمهسینه اعتراض، ۱۴۰۰-جو ایلین یاییندا اعتراض ائدن خوزیستان خالقینین یاتیریلماسینا اعتراض، ایران-چین آراسیندا ایشبیرلیگی سندینین ایمضالانماسینا اعتراض، ادبيات و کینو سینمادا سانسورا و چئوره فعاللارینین حبسینه اعتراضی گؤرونور.
بو مشهور یؤنتمن فیلملری و سناریولاری ایله یاناشی، صحنه اویونو، قیسا حکایهلر، رومانلار و بلگهسللر اورتایا قویوب کی بعضیلری ایرانوایر طرفیندن بیر راپوردا نظردن کئچیریلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق