ایران‌وایره چاتان خبره گؤره، آذربایجانین “تیراختور” فوتبول کومانداسی‌نین ایکی قادین طرفداری اولان مهوش نوری و زهرا فتحعلی زاده انزلی شهری‌نین اطلاعات ایداره‌سینه چاغیریلیب.
مهوش نوری و زهرا فتحعلی زاده‌نین یاخینلاری‌نین وئردیگی بیلگیلره گؤره، رشت و گرمی شهرلرینده یاشایان بو قادینلار “تیراختور آذربایجان” و “ملوان بندر انزلی” فوتبول یاریشینی ایزله‌یرکن ملوان کومانداسی‌نین طرفدارلاری طرفیندن تحقیر ائدیلیب و دؤیولوب و بونا باخمایاراق اونلار انزلی شهری‌نین اطلاعات ایدارسینه چاغیریلیب.
تیراختور طرفدارلاری‌نین چاغیریلماسی، آذربایجان قامو اویونون گوونلیک گوجلری‌نین آذربایجان فوتبول‌سئورلری ایله داورانیشینا اعتراض ائتدیگی بیر واختدا باش وئریر.
سون گونلرده ملوان و تیراختور اویونوندا ملوان کومانداسی‌نین بعضی طرفدارلاری تیراختور طرفداری اولان ایکی قادینی تحقیر ائتدیگی ویدئو یاییلیب.
آذربایجانلی قادینلارین دؤیولمه‌سینی عکس ائتدیرن ویدئونون یاییلماسیندان و تیراختور طرفدارلاری‌نین و آذربایجان ایدمان ایجتماعیتی‌نین اعتراضیندان سونرا آذربایجانین “تیراختور” کلوبو “ملوان” کلوبوندان شیکایت ائدیب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق