سلاحلی قوهلرین باش قرارگاهینین اینسان قایناقلاری ایدارهسی بو گون (بازار ائرتهسی) پئشهکار ایدمانچیلارین حربی خیدمتینین ائرتهلنمهسی پلانینین دایاندیردیغینی آچیقلاییب.
بو یوللا، حربی خیدمتینی ائرتهلهین فوتبول، وولئیبول و باسکئتبول ساحهلرینده پئشهکار ایدمانچیلارین حربی خیدمت کئچمک اوچون حربی و حوقوق-موحافیظه اورقانلارینا گئتمهسی طلب اولونور.
سلاحلی قوهلرین باش قرارگاهی ایندییهدک بعضی ایدمان ساحهلری اوزره پئشهکار ایدمانچیلارا کلوب سیرالاریندا ایشتیراک ائتمک اوچون حربی خیدمت مدتینی ۲۸ یاشا قدر، میلّی کوماندالارین کمپینه دعوت اولوندوقدا ایسه ۳۰ یاشا قدر ائرتهلنمهیه ایجازه وئریردی.
بئله کی، ایران ایسلام جمهوریتینین فوتبول کومانداسینین خاریجده اولان بعضی اویونچولاری، ائلهجه ده پرئمیئر لیگین پئشهکار کوماندالارینین چوخلو سایدا اویونچوسو حربی خیدمت اوچون کوماندالارینی ترک ائتمهلی اولورلار.
ایران مئدیاسی خبر وئریر کی، سلاحلی قوهلرین باش قرارگاهی ایرانین یوکسک سويهلی فوتبول لیگاسینین کلوبلارینا مکتوب گؤندرهرک، اونلارین اویونچولارینین خدمتدن آزاد اولماق اوچون آرتیق هئچ بیر ایدمان قئیدی اولمادیغینی و یالنیز بیلیمیوردلاریندا ائیتیم آلماق کیمی قانونی استثنالاردان ایستیفاده ائده بیلهجکلرینی آچیقلاییب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق