ابراهیم رئیسی هله ده حمید سجادی‌نین ایستعفاسینا رسمی راضیلیق وئرمسه ده، بعضی ایران مئدیاسی محمد آخوندی‌نین گله‌جک ایدمان و گنجلر ناظری سئچیلدیگینی آچیقلاییب.
۱۴۰۱ اعتراضلاری زامانی محمد آخوندی تویتینده اعتراضچیلارین اعدام ائدیلمه‌سینی ساووندو و بونو "ایلاهی فرمان" آدلاندیردی.
محمد آخوندی بو تویتینی بو یاخینلاردا محکوم ائدیلمیش اعتراضچیلاردان بیری ماهان صدراتین شخصی شیکایتچیسی محمدرضا قنبرطلب طرفیندن عفو ائدیلمه‌سی خبرینه جاواب اولاراق یاییب. ماهان صدراتین شخصی ادعاچیسی جناب قنبرطلب محکمه سیستمینه عونوانلادیغی تویتینده یازیب کی، او، عاجیزانه بیر شکیلده بو تقصیرلندیریلن شخصین عفو اولونماسینی و اعدام حؤکمونون دایاندیریلماسینی ایسته‌ییر.
تهران شهر شوراسی‌نین حاضرکی عضوو، وطن امروز قزئتی‌نین ایمتیاز صاحبی و مودیری، و ایمامین فرمانی ستادینا باغلی احسان وقفی‌نین ایداره هئیتی‌نین عضوو و ماليه و اینسان قایناقلاری اوزرهمدیر یاردیمجیسی محمّد آخوندی بو ایل تیر آییندا ایسلام جمهوریتینده کئچیریله‌جک فوتبول فدراسیونوندا کئچیریله‌جک سئچکیلرده آدای اولموشدو.
او ۲۶ یاشیندا بدن ائیتیمی تشکیلاتی‌نین او واختکی رئیسی حسن علی‌آبادی بو قورومون سؤزچوسو اولاراق سئچیب. او ۱۳۹۳-جو ایلده "سایپا اتومبیل صنایعسی آراشدیرما و یئنیلیک مرکزی" عضوو اولوب. محمد آخوندی‌نین آدی ابراهیم رئیسی حؤکومتینده ایدمان و گنجلر ناظری اولان حمید سجادی‌نین دانیشمانلاریندان بیری کیمی ده قئید اولونوب.
پاسدار مصطفی آجرلو ایستیقلالین مودیری اولدوغو دؤورده محمد آخوندی‌یه "کؤلگه ناظر" عنوانینی وئرمیشدی.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق