تبریزدهکی بیر قروپ مدنی فعال، دونن ۱ مرداد ۱۴۰۲-جی ایلده عومومی یوللاردا اورمیه گؤلو قونوسوندا و حؤکومتین اهمال ائتمهسینه اعتراض اولاراق پوسترلر چاپ ائدیب و گئنیش شکیلده قوراشدیریبلار.
«آزادلیق، عدالت، میللی حوکومت،
وطن بیزی چاغیریر، وطنین هاراینا های وئرمه زمانی،
آذربایجان خالقی گلین اورمو گولون قوروتمایا ایذین وئرمیق جانسیز گولوموز بیزی چاغیریر،
#اورمو_آراز_اوچون_بیرلیک» و "بندلرین آرخاسیندا ۱۸ میلیارد متر مکعب سو باغلادیلار و سو یوخدور دئدیلر! بو، گورولتولو فرات چایینین ساحلینده حسینه دئییلن سؤزلر دئییل: ایندیکی یزید کیمدیر...
سون گونلر ندنی فعاللار اورمیه گؤلونون قوروماسینی اؤنلمهک اوچون حاکیميتدن و حؤکومتدن عملی تدبیرلرین گؤرولمهسینی طلب ائدیبلر.
سانال اورتامدا بیر چوخ قوللانیجی اورمیه گؤلونون دیرچلدیلمهسی مسئلهسینی تکجه چئورهنی قورتارماق اوچون دئییل، هم ده آذربایجان ملتینین اؤلوم-دیریم مسئلهسینی نظردن کئچیریب.
یایین گلیشی ایله اورمیه گؤلو بیر داها کریتیک گونلردهدیر و بو دورومون داوام ائتمهسی ایله گونو گوندن تام قوروما شرایطینه یاخینلاشیر.
چئوره ساحهسینده اوزمانلارین فیکرینجه، اورمیه گؤلونون قوروماسی بو اراضینین ۱۴ میلیوندان چوخ ساکینینین حیاتینی تهلوکه آلتینا قویوب و بو اراضی ساکینلرینین مجبوری کؤچونه سبب اولاجاق.
اکولوژی اوزمانلارین فیکرینجه، اورمیه گؤلو اطرافیندا توز و آکتیو دوز فیرتینالاری ۵۰۰ کیلومتره قدر مسافهنی قت ائده بیلر.
یوروم یازماق