اطلاعات ناظرلیگینین امکداشلاری رشتده شیوا کاشانی نژاد [سمیعیان] آدلی بهایی وطنداش حبس ائدیلیب.
آلینان بیلگیلره گؤره، ۲۸ تیر ۱۴۰۲-جی ایل چارشنبه گونو گوونلیک مامورلاری شیوا کاشانی نژادین [سمیعیان] ائوینه گئدیب، اورادا هرطرفلی آختاریش آپاردیقدان سونرا اونون نوهسینه اؤزل موبیل تلفون، بهایی دینی ایله باغلی کیتابلار و اؤلکهنین رسمی مجوزی اولان اوشاق ناغیل کیتابلاری گؤتوروبلر.
داها سونرا گوونلیک گوجلری شیوا کاشانی نژادی حبس ائدهرک بلیرسیز یئره کؤچوروبلر.
ایندییهدک بو بهایی وطنداشین هارادا اولماسی بارهده چوخ بیلگی یوخدور و اونون عائلهسی ایله تلفون باغلانتیسی اولماییب.
قئید ائدک کی، رشت اینقیلاب محکمهسی اؤتن هفتهلرده انیسا سمیعیان (شیوانین قیزی) و اونون حیات یولداشی وصال ممتازی بارهسینده حبس قراری چیخاریب.
یوروم یازماق