ایران ایسلام جمهورییتی فوتبول فدراسیونونون رسمی سایتی ادعا ائدیب کی، دونیا فوتبول فدراسیونونون رئیسی جیانی اینفانتینو ایران میلی فوتبول کومانداسینین دونیا یاریشلاریندا چیخیشینی یوکسک قیمتلندیریب و کوماندانین چابالارینی اؤووب.
۲۰۲۲-جی ایل دونیا یاریشلاریندا ایران فوتبول کومانداسی ایلک اویوندا اینگیلتره میلی کومانداسینا قارشی ۶-۲ حسابی ایله ایرانین فوتبول تاریخینده دونیا یاریشلاریندا ان آغیر مغلوبیتینی و ایرانین فوتبول تاریخینده اوچونجو ان آغیر مغلوبیتینی آلدی. ایکینجی اویوندا اون نفرلیک ولز کومانداسینا قالیب گلیب، اوچونجو اویوندا ایسه ایلک دفعه آمریکا میلیسینه اودوزاراق یاریشلاردان کنارلاشدیریلیب.
جیانی اینفانتینو دئدی: دونیا یاریشلاریندا بیر چوخ اویونلارینی ایزلهمیشم. ایران کومانداسینین چیخیشی تقدیرلاییق ایدی و بیر گل ایله الندی.
ایسلام جمهورییتی فوتبول فدراسیونونون رئیسی و اصفهان اینقیلاب کئشیکچیلری اطلاعاتینین کئچمیش عضوو “مهدی تاج ایله یاخین موناسیبتده اولان دونیا فوتبول فدراسیونون رئیسی قادینلارین ایران استادیوملارینا گیریشینه قاداغا قویولماسی ایله باغلی سسسیز قالیب.
یوروم یازماق