فارس خبر آژانسی قزوینده بیر ماغازانین مؤهورلندیگینی و ساتیجینین حبس ائدیلدیگینی و بونا سبب ساتیجینین مجبوری حجابا قارشی چیخان موشتریلره یوزده ۱۵ ائندیریم وئردیگینی بیلدیریب.
فارسین یازدیغینا گؤره، قزوینین تیجارت مرکزلریندن بیرینده یئرلشن بو مغارا حکایه یایماقلا و یوزده ۱۵ ائندیریم تکلیف ائتمکله موشتریلری حجابسیز اولاراق ماغازایا گلمهیه تحریک ائدیب.
بیلدیریلیر کی، قزوین ایالت ساوجیلیغینین عیفت و حجاب اوزره اؤزل موستنطیقی حکمیانین ایشتیراکی ایله بو تیجارت مرکزینده ساتیجی حبس ائدیلیب و ماغازا مؤهورلهنیب.
اؤتن هفتهلرده ایران حؤکومت قوهلری حجاب تاخماماق بهانهسی ایله یوزلرله اینسانین بیزنئس و اقتصادی فعالیت مرکزینی مؤهورلهییب و بو، مینلرله اینسانین گئچیمینه ائتکی بوراخیب.
بونا باخمایاراق، ایرانلی قادینلار و قیزلار مجبوری حجابین لغوی و آیریجا حجابسیز موشتریلری قارشیلاماقلا ایسلام جمهورییتینین حجاب ساحهسینده قدار سیاستینه اعتراض ائدیبلر.
سون بیر هفته ایچینده اپال تیجارت مرکزینده یئرلشن گرند کیدس ماغازاسی مرکز آچیلدیقدان درحال سونرا اینستاگرام صفحهسینده بیر حکایه درج ائتدی و اعلان ائتدی: یئنیدن آچیلیش موناسیبتی ایله بو گون ماغازادان مجبوری حجابسیز آلیش-وئریش ائدن بوتون آلیجیلارا یوزده ۵۰ ائندیریم وئریلهجک.
بو ماغازا و بو مرکزدهکی باشقا ایکی ماغازا یئتکیلیلر طرفیندن درحال مؤهورلهنیب.
یوروم یازماق