اعدام ائدیلن گولشچی نوید افکارینین آتاسی حسین افکاری چارشنبه آخشامی، ۱۲ اردیبهشتده حبس ائدیلیب.
نوید افکارینین قارداشی سعید افکاری توییتر صفحهسینده اونون آتاسینین ایسلام جمهورییتی گوجلری طرفیندن حبس اولوندوغونو یازیب.
ایسلام جمهورییتینین محکمه و گوونلیک قوروملاری بو آنا قدر بو آتانین حبسینین سببی ایله باغلی سسسیز قالیب.
۱۳۹۹-جو ایلین شهریور آییندا نوید افکارینین اعدامیندان سونرا ایران ایسلام جمهورییتینین گوونلیک قوروملاری اونون عائلهسینه بؤیوک تضییق گؤستردی و بو عائلهنین بوتون عضولری زامام زامان ساخلانیلاراق حبس اولوبلار.
نویدله بیرلیکده حبس ائدیلن وحید و حبیب افکاری سیراسی ایله ۵۴ ایل ۶ آی حبس، ۷۴ شاللاق و ۲۷ ایل ۳ آی حبس و ۷۴ شاللاق جزاسینا محکوم ائدیلیبلر.
نوید افکارینین باجیسی الهام افکاری ده ۱۹ آباندا شیراز اطلاعات ایدارهسی طرفیندن حبس ائدیلیب و اؤتن ایلین آذر آییندا شیراز محکمهسینده ۵ ایل مدتینه آزادلیقدان محروم ائدیلیب.
یوروم یازماق