ایرانوایرن الده ائتدیگی بیلگیلره گؤره، ۱۰ اردیبهشت ۱۴۰۲-جی ایل بازار گونو گونورتا ساعت بیرده کئچمیش شامپیون و تانینمیش جودو مشقچیسی "هوشیدر زارعی" ایش یئرینده ۳۰ سیویل گئییملی مامور طرفیندن هئچ بیر آچیقلاما وئریلمهدن حبس ائدیلیب.
مامورلار بو مشهور ایدمانچی ایله بیرلیکده اونون ائوینه قدر گئدیب و آختاریشا باشلاییبلار.
ائوده آختاریش آپاریلدیقدان و ایکی موبیل تلفون، ایپاد، فوتو چرچیوه، نووتبوک و بیر سیرا کیتابلاری گؤتورولدوکدن سونرا جناب زارعی ماشینلاردان بیرینه میندیرهرک اورانی ترک ائدیبلر.
عینی گون هوشیدر ائوینه زنگ ائدهرک عائلهسینه یوز سایلی پلاک آدلی شیراز اطلاعات ایدارسینده اولدوغونو خبر وئردی.
هوشیدر زارعینین شخصی اشیالاری ایله یاناشی، اوخولو اوچون ایستیفاده ائتدیگی ۱۲ یاشلی قیزینا اؤزل تلفون و نووتبوک دا مامورلار طرفیندن موصادیره ائدیلیب.
۱۱ اردیبهشت ۱۴۰۲-جی ایل بازار ائرتهسی جناب زارعی عائلهسی موختلیف محکمه اورقانلارینا گئدهرک هوشیدرین پروندهسینین خسروانی آدلی موستنطیقین الینین آلتیندا اولدوغونو اؤیرنیبلر.
ایرانوایرین الده ائتدیگی بیلگیلره گؤره، اونلار خسروانییه گئتدیکدن سونرا او جاواب وئرمکدن ایمتینا ائدیب و دئییب کی، بیز سیزه اتهامی دئسک، اینترنتده و خاریجی تلویزیونلاردا آچیقلایاجاقسینیز، اونا گؤره اتهامی دئمیریک.
هوشیدر زارعی جودودا اؤلکهنین ایکینجیسی اولوب و فارس ایالتی گنجلر و بؤیوکلر کوماندالارینی چالیشدیریب.
یوروم یازماق