رکنا خبر آژانسی نیشابوردا ۲۶ یاشلی قادین ایشچی‌نین اؤلوم خبرینی یاییب و بونون سببی‌نین قادینین شالی‌نین ماشینا ایلیشیب و اونون ایچرییه چکیلمه‌سی اولدوغونو بیلدیریب.
نیشابور شهری‌نین پولیس کوماندیری‌نین معاونی، سرهنگ علیرضا علیزاده بو حادثه ایله باغلی دئییب: بو قادین دکل ماشینی (پلاستیک انژکسیون) ایله ایشله‌یرکن شالی ایلیشیب و ماشینا چکیلدیگی اوچون آغیر یارالانیب و نهایت دونیاسینی ديیشیب.
علیرضا علیزاده بیلدیریب کی، بونونلا باغلی پرونده آچیلیب، حادثه‌‌‌نین باشقا یؤنلری ایله باغلی اوزمان آراشدیرمالاری داوام ائدیر.
ایراندا ایلک دفعه دئییل کی، مجبوری شال و یا چادرا تاخماق ایشچی قادینلارین اؤلومونه سبب اولور.
۱۴۰۰-جو ایلین آبانیندا شرق صنایع شهرکینده یئرلشن «نساجی کویر سمنان» فابریکی‌نین قادین ایشچیلریندن بیری اییریجی ماشینیندا باش اؤرتوسو ایلیشیب قالماسی سببیندن دونیاسینی دیشدی.
آدی مرضیه طاهریان اولان بو ۲۱ یاشلی ایشچی‌نین ایش یولداشلاری حادثه‌‌‌نین تصویرینده اؤنجه باش اؤرتوسونون ماشینا ایلیشدیگینی و عینی شکیلده باشی‌نین دا ماشینا چکیلدیگینی بیلدیریبلر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
ایران‌وایر اوچون یازماق ایسته‌ییرسینیزمی؟
یازیلارینیزی پایلاشین
یوروم یازماق