ایران فوتبول لیگاسی تشکیلاتی بو هفتهنین سونوندا بو قورومون نظارتی آلتیندا کئچیریلن پریمیئر لیگا دا داخیل اولماقلا ایرانین بوتون فوتبول یاریشلارینین لغو ائدیلدیگینی آچیقلاییب.
بو شکیلده ایران پریمیئر لیگاسینین ایلک هفتهسی ده لغو ائدیلیب.
لیگ تشکیلاتی حؤکومتین هفته سونو تعطیل قراریندان سونرا بو قراری وئردیگینی و بونو "حؤکومتلرین ساغلاملیق و موعالیجه قرارلارینا اویغون اولاراق اویونچولارین و تاماشاچیلارین ساغلاملیغینی قوروماق اوچون فیفا قایدالارینا اویغون اولاراق" حساب ائتدیگینی ادعا ائتدی.
بوندان اؤنجه ایران ایسلام جمهورییتی فوتبول فدراسیونو حؤکومت طرفیندن هاوانین چرکلنمهسی سببیندن ایران شهرلرینین باغلاندیغی گونلردهکی اویونلاری لغو ائتمک ایستمیردی.
بعضی کلوبلارین فوتبولچولارینین ایدی کارت و اویون ایجازهلرینین حاضرلانماماسی و قادینلارین بوتون استادیوملارا داخیل اولماسینین مومکونسوزلویو بو قرارین ایکی اؤنملی سببی کیمی گؤستریلیر.
جوما آخشامی و جوما گونلری کئچیریلمهسی نظرده توتولان ایران فوتبول پریمیئر لیگاسینین ایلک هفتهسینین لغوی ایله عینی واختدا ایسنا خبر آژانسی قادینلارین تکجه ۵ استادیوما گیریشی اوچون ایجازه وئریلدیگینی بیلدیریب.
ایسنا اؤز حساباتیندا یازیب کی، یادگار امام تبریز، نقش جهان اصفهان، شهدای فولاد اهواز، آزادی تهران و شهید سلیمانی سیرجان، استادیوملاری قادینلارا ائو صاحبلیگی ائتمک اوچون ایجازه آلیب و شهید وطنی قائمشهر کیمی باشقا استادیوملار دا ایلکین حاضرلیقلاری و ائو صاحبینی تعمین ائتمهیه حاضرلاشیر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق