ایرانوایرین الده ائتدیگی بیلگیلره گؤره، ۲۱ مرداد ۱۴۰۲-جی ایل شنبه گونو گوونلیک گوجلری طرفیندن حبس ائدیلن تهرانلی وطنداش دنیا حسینی اوین زیندانینا کؤچورولوب.
بیلگیلی قایناغین بیلدیردیگینه گؤره، دنیا حسینی ۲۴ مرداد ۱۴۰۲-ده عائلهسینه ائتدیگی قیسا زنگده اوین حبسخاناسیندا اولدوغونو بوغوق بیر سس ایله دئییب.
۳۵ یاشلی بو بلگر اونو دا بیلدیریب کی، اونون حبسینه سبب سوسیال شبکهلردهکی فعالیتی و اتهاملاری ایسه رژیمه موخالیف قروپ و تشکیلاتلارین خئیرینه تبلیغات اولوب.
دنیا حسینینین پروندهسی اوین گوونلیک ساوجیلیغینین اوچونجو ایستینطاق شؤبهسینده (شهید مقدس ۳۳-جو بؤلگه) داوام ائدیر.
سون هفتهلرده مجبوری حجاب تاخماقدان ایمتینا ائدهرک سیویل اطاعتسیزلیگی تؤرهدن مدنی فعاللار و وطنداشلارا قارشی تضییقلر آرتیب.
حؤکومت اخلاق پولیسینی گئری قایتارماقلا و اؤزل کمیسیوندا حجاب و عیفت قانون لاییحهسینی تصدیق ائتمکله تضییقی حوقوقی یوللا گوجلندیرمهیه چالیشسا دا، شاهیدلرین راپورلاری و ایران قادینلارینین سیویل دیرنیشینی عکس ائتدیرن چوخلو ویدئولار مجبوری حجابا قارشی موخالیفتین داوام ائتدیگینی گؤستریر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق