فوتوقرافچی و ژورنالیست یلدا معیری آچیقلاما وئرهرک بیلدیریب کی، تهرانین حجاب کوچهسینده کئچن ایل کئچیریلن میتینق زامانی گوونلیک گوجلری اونو حبس ائدیب و مینیبوسا میندیگی زامان اونا جینسی تعجیز ائدیبلر.
چارشنبه آخشامی اینستاگرام حسابیندا خانیم معیری بوتون ساخلانیلان قادینلارین زوراکیلیق و جینسی تعجیزه معروض قالدیغینی بیلدیریب و یازیب کی، "اونلار مینیبوسدا قان ایچینده ایدیلر و موختلیف سینیقلاری وار ایدی".
بو ژورنالیست بو نومایشین فوتوسونو یایاراق بیلدیریب کی، موبیل تلفونونو “سککیز آیدان سونرا” و “سیلینمیش” و بونا باخمایاراق، “حبسین ایلک آنلارینی” عکس ائتدیرن بو فوتونو قایتارا بیلیب.
بو فوتوقرافچی و فوتوقرافچیلار درنگینین عضوو یلدا معیری کئچن ایل ۳۱ شهریورده تهراندا عومومی اعتراضلارین ایلک گونلرینده گوونلیک گوجلری طرفیندن ساخلانیلیب و ۳۲ گون اینقیلاب کئشیکچیلری ۲-الف بندینده و ۶۰ گون وارامینین قرچک حبسخاناسیندا ساخلاندیقدان سونرا گیروو موقابیلینده سربست بوراخیلدی. خانیم معیری تانینمیش فوتوقرافچیدیر و اونون خبر فوتولاری اؤنملی اولوسلارآراسی اؤدوللر قازانیب.
او، اؤتن ایل ۱۶ دی گونو اینستاگرامدا تمیزلیک گؤرولیسی گئییمینده ویدئو یاییملایاراق ۶ ایل حبس جزاسی ایله یاناشی، محکمهنین اونا تمیزلیک گؤرولیسی خیدمتی ده داخیل اولماقلا اک جزالار وئردیگینی آچیقلاییب.
نرگس محمدی و نازیلا معروفیان،کیمی بیر سیرا قادین محبوسلارین گوونلیک گوجلری طرفیندن جینسی تعجیزه معروض قالماسی ایله باغلی آچیقلامالار وئرمهسیندن سونرا خانیم معیرینین آچیقلامالاری گوندهمه گتیریلیر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق