Xoyda 5,9 gücündə zəlzələ baş verib; Çoxlu binalar dağılıb

Batı Azərbaycanın guzeyində yerləşən Xoy şəhərində bir neçə saat öncə 5,9 gücündə zəlzələ baş verib. Bu zəlzələ əyalətin bir çox bölgələrində, özəlliklə Urmiya şəhərində hiss olunub.

Tehran Universitetinin Seysmoloji Mərkəzinin məlumatına görə, bu zəlzələ şənbə günü gecə saat 21:44-də 7 kilometr dərinlikdə baş verib.

Bu zəlzələnin dəqiq yeri 44,90 dərəcə uzunluq və 38,59 dərəcə enlikdə qeydə alınıb.

Fars xəbər agentliyinin verdiyi məlumata görə, ilkin müşahidələr Xoy şəhərində evlərin və tikililərin dağıdılmasının çox olduğunu göstərir.

🔴 زلزله ۵.۹ ریشتری در آذربایجان غربی

💢 زمین‌لرزه‌ای ۵.۹ ریشتری در عمق ۷ کیلومتری زمین حوالی خوی در آذربایجان‌غربی را لرزاند.

📌 فیلم مربوط به لحظه وقوع زلزله در خوی pic.twitter.com/Q5UeILElks

— AbdiMedia - Abdollah Abdi (@abdolah_abdi) January 28, 2023

Ölkənin təcili yardım departamentinin sözçüsü Xaledinin sözlərinə görə, zəlzələnin yüksək intensivliyi Xoy xəstəxanasının çatlamasına səbəb olub.

Təbriz və Urmiyadan da çoxlu sayda təcili yardım maşınları Xoy şəhərinə göndərilib.

Batı Azərbaycan Əyalətinin Qızıl Ay Cəmiyyətinin nəzarətçisi ayrıca bildirib ki, Batı Azərbaycan əyalətində baş vermiş 5,9 gücündə zəlzələdən sonra hadisənin və Qızıl Ayın əyalətdəki bütün bazalarının mümkün zərərlərini qiymətləndirmək üçün Qızıl Ayın 4 ekspert qrupu hadisə yerinə göndərilib.

Təsnimin bu gecə Batı Azərbaycan əaylətində baş vermiş sonuncu güclü zəlzələnin vəziyyəti ilə bağlı verdiyi xəbərə görə, kəndlərdə evlərin dağılması yüksəkdir və ən çox zərər İvaoğlu bölgəsinin kəndlərinə dəyib və bəzi evlər də dağılıb. Həmçinin, Xoy şəhərinin bir hissəsində elektrik enerjisi kəsilib.

Xoy şəhərində insanlar küçələrdə qorxuya düşüb, çoxlu binalar dağıdılıb.

Zəlzələnin afterşokları bir neçə dəqiqəlik fasilə ilə davam edir.Bu afterşoklar üç bal gücündə baş verir.