"İranwire"in əldə etdiyi məlumata görə, Bazar ertəsi 4 sentyabrda təhlükəsizlik qüvvələri aksiyalar zamanı gözündən yaralanan etirazçı Parsa Qubadini atasının iş yerində həbs edib.
Ötən ilin noyabr etirazları zamanı iki gözündən yaralanan etirazçı Parsa Qubadinin həbsi Məhsa Əmininin ildönümü ərəfəsində iddiaçı ailələrə təzyiqlərin artdığı bir vaxtda baş verib. Cənab Qubadinin həbs olunduğu gün Məhsa Əminin dayısı Səfa Aeli də daxil olmaqla bir sıra digər iddiaçı ailələr də həbs olundu.
Keçən il noyabrın 30-da Kirmanşahda keçirilən ümummilli etirazlarda Parsa Qubadi repressiyaçılar tərəfindən iki gözündən güllələnmişdi. Təhlükəsizlik qüvvələri yaxın məsafədən atəş açdıqdan sonra Parsa Qubadini həbs edib və ona işgəncə veriblər.
İranwire-in xəbərinə görə, bu gənc etirazçı İran və İngiltərə matçı gecəsi İran komandasının məğlubiyyətinə sevinərkən Bəsicin qüvvələri tərəfindən yaxın məsafədən vurulub. Onun yalnız bir gözündən yeddi güllə vurulmuşdu və bütün bədəni güllə izləri ilə dolmuşdu.
Şərhlər