Ölkənin Fövqəladə Hallar Təşkilatı: İlin axır çarşənbəsi ilə bağlı hadisələrdə 8 nəfər həyatını itirib

Ölkənin fövqəladə hallar təşkilatı fevralın 20-dən martın 11-dək İlin axır çarşənbəsi ilə bağlı baş verən hadisələrdə 8 nəfərin öldüyünü, 330 nəfərin yaralandığını açıqlayıb.

Ölkənin fövqəladə hallar təşkilatının ictimaiyyətlə əlaqələri bazar ertəsi, martın 11-də bildirib ki, 121 fövqəladə hadisəyə ekiplər göndərilib, 196 nəfər şəxsən gəlib, 13 nəfərə isə yerində tibbi yardım göstərilib.

Bu məlumata görə, xəsarət alanlar arasında 28 amputasiya, 113 göz xəsarəti və 159 yanıq xəsarəti qeydə alınıb.

Ayrıca 75 nəfər xəstəxanaya yerləşdirilib, 11 nəfər reanimasiya şöbəsinə yerləşdirilib.

Ölkənin fövqəladə hallar departamentinin məlumatına görə, bu il baş verən qəzalarda xəsarət alanların yüzdə 70 sayı 18 yaşa qədər, yaralananların yüzdə 14 isə yoldan keçənlərdir.

İsna xəbər agentliyi Səhiyyə Nazirliyinin statistikasına istinadən yazıb ki, bu il İlin axır çarşənbəsi günü baş verən hadisələrin qurbanlarının sayı keçən illə müqayisədə yüzdə 24 artıb.

Ayrıca bu dövrdə ölüm halları yüzdə 33, amputasiyalar yüzdə 4, göz zədələri yüzdə 21, yanıqlar yüzdə 51 artıb.

Ən yüksək yaralanma faizi Doğu Azərbaycan, Tehran və Batı Azərbaycanda, ən çox ölüm isə Batı Azərbaycan, Tehran və Doğu Azərbaycanda baş verib.