ایران مرکزی بانکی اؤتن ایلین ایلک ۱۱ آییندا ایرانا ۳۲۷ مین میلیارددان چوخ ديرینده ۷ میلیون ۵۶۶ مین چئکین قایتاریلدیغینی گؤسترن ایستاتیستیک بیلگیلری آچیقلاییب.
مرکزی بانکین آچیقلادیغی ایستاتیستیک بیلگیلرده کئچن ایلین بهمن آیی ایله بیتن ۱۱ آیدا خرجلنن چئکلرین توپلام سایی ۸۴ میلیون ۱۰۰ مین عدد، توپلام ديری ایسه ۲۷۱۳.۳ مین تومن اولوب.
ایران مرکزی بانکینین بیلگیلرینه گؤره، بو دؤورده گئری قایتاریلان چئکلرین آرتیم ديری باخیمیندان ۱۳۹۹ -جو ایلین عینی دؤورو ایله موقایسهده یوزده یئددی اولدو.
ایران مرکزی بانکینین ایستاتیستیکاسی گؤستریر کی، ۱۴۰۰-جو ایلین بهمنینده باشا چاتان ایل ایچینده قایتاریلان چئکلرین ديری باخیمیندان ایراندا مبادله ائدیلن توپلام چئکلره نیسبتی تخمیناً یوزده ۱۲ اولوب.
بو راپور آیریجا ۱۴۰۰-جو ایلین بهمنینده مبادله ائدیلن چئکلرین دورومونا دا توخونور و بو آی اورتالاما هر ۱۰۰ چئکدن ۹-نون و هر ۱۰۰ میلیون چئکدن ۱۲ میلیونونون گئری قایتاریلدیغینی بیلدیریر.
آنجاق ایران مرکزی بانکینین راپوروندا ۱۳۹۷-جی ایلده یئنی چئک قانونونون تطبیقیندن سونرا گئری قایتاریلان چئکلرین دورومونون یاخشیلاشدیغی ادعا ائدیلیر.
یوروم یازماق