ایران محکمهسینین باشقانی غلامحسین محسنی اژه‌ای دئییب کی، “بابک زنجانی‌نین خاریجده‌کی وار-دؤولتی بللی ائدیله‌رک تهرانا کؤچورولوب و ایلکین آراشدیرمالارا گؤره، بو ثروتلر اونون بورجلارینا و ديمیش زیانا کیفایت ائده‌جک”.
جناب محسنی اژه‌ای عالی محکمه‌‌نین ایجلاسیندا بو مسئله‌‌یه توخوندو و دئدی: “داها اؤنجه قایتاریلان ماللاری دا علاوه ائتسک، آرتیم اولاجاق، طبیعی کی، بونونلا باغلی یئنیدن اوزمان آراشدیرماسی‌نین اولماسینی وورغولامیشام”.
ایران عالی محکمه‌‌سی ۱۳۹۵-جی ایلده بابک زنجانی‌نین اعدام حؤکمونون تصدیقلندیگینی اعلان ائدیب.
جناب زنجانی‌نین اساس اتهامی اوندان عبارتدیر کی، او، برجام‌دان اؤنجه تطبیق ائدیلن سانکسییالار زامانی ۲ میلیار دلارلیق ایران نفتی‌نی ساتیب، لاکین پولو حؤکومته قایتارماییب.
ایرانین محکمهسینین باشقانی دئییب: پرونده‌نین باخیلماسی‌نین بیر مرحله‌‌‌سینده بیر تشکیلاتدان بیر قروپ شخص گلیب دئدی کی، بابک زنجانی‌نین وارلیقلارینی بللی ائدیب گئری قایتارماق اوچون یئنی ایشه باشلاماق ایسته‌ییریک. بیلدیردیک کی، بونو آلقیشلاییریق، طبیعی کی، من اولتیماتوم وئردیم و بللی واخت چرچیوه‌سی قویدوم.
محسنی اژه‌ای‌نین سؤزلرینه گؤره، بابک زنجانی‌یه قارشی چیخاریلمیش محکمه حؤکمونده بیلدیریلیر کی، مولکون گئری قایتاریلماسی حالیندا حؤکم یونگول اولاجاق.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق