ایران خبر آژانسلارینین وئردیگی بیلگیلره گؤره، ابراهیم رئیسی حؤکومتی “ضرره” گؤره بیر سیرا بؤیوک شرکتلری، او جوملهدن ایران ایسلام جمهورییتی هاوا یوللاری (ایرانایر) شرکتینی اؤزل سئکتورا تحویل وئرمیی نظردن کئچیریر.
تهران اولوسلارآراسی سرگیلر شرکتینین امکداشلیق اتاغینداکی ساتیش نوماینده هئیتینین اوتوروموندا بو گوندهمه گتیریلیب و قرارا آلینیب کی، ۲ آی ایچینده ایدارهچیلیک و ایدارهائتمه وظیفهلرینین آیریلماسی ایله باغلی تدبیرلر حیاتا کئچیریلسین.
بو ایل ۱۰ مرداد گونو تهران شهر آفتاب آدلی اولوسلارآراسی سرگیسینین ایجراچی مودیری عباس تقدسینژاد تهران اولوسلارآراسی سرگیلر شرکتینین بلدیهیه اولان ۳۱ مین میلیارد تومنلیک بورجو بارهده بیلگی وئریب. مهر خبر آژانسی آیریجا بیلدیریر کی، ایران ایسلام جمهورییتی یاییم تشکیلاتینا باغلی ساراتل ایران اینشعات شرکتینین سهملرینین یوزده ۱۰۰ هر سهمه ۲ میلیون ۴۵۷ مین تومندن چوخ بازا قیمتی ایله آچیق حراج یولو ایله ساتیشا چیخاریلاجاق.
بوندان باشقا، حؤکومت ایران صنایع گلیشدیرمه و مدرنلشمه تشکیلاتینا باغلی “اسفراین صنایع قورولوشو”نون سهملرینین یوزده ۷۳ چوخونو بورسدا ساتماغی پلانلاشدیریر. بو گؤروشده موذاکیره ائدیلن باشقا مسئلهلردن بیری ده ایران ایسلام جمهورییتی هاوا یوللارینین آدینین ساتیلمالی اولان وارلیقلار لیستینه آلینماسی اولوب.
ایرانایرین مودیری فرزادی پور بو ایلین مرداد آییندا بو شرکتین بانکلارا ۶۰۰ میلیون دوللارلیق بورجو بارهده بیلگی وئریب. او، آیریجا بیلدیریب کی، بو شرکتین ۵۰ اوچاغیندان توپلام ۱۲-۱۵ اوچاق اوچور، قالانلاری ایسه یئره ائندیریلیب.
ایراهیم رئیسی حؤکومتی گلن ایلین بودجهسینده ۶۰ مین میلیارد تومنلیک قانون لاییحهسینده دؤولت شرکتلرینین ساتیلماسینی نظردن کئچیریب. کئچن ایللرده ساتیش لیستینده اولان دؤولت شرکتلرینین بیر چوخو ضررلی و بورج ایچینده ایدی.
بیر چوخ اوزمان دا حؤکومتین بورسدا شرکتلرین سهملرینین ديری ایله قصداً یؤن وئرمه بارهده بیلگی وئریبلر. بعضی حاللاردا، مثلا، حؤکومت طرفیندن "لیسته آلینمیش ان بؤیوک شرکتلردن بیری" فولاد موبارکه دی کی اونون دا چوخلو پوزونتولار بیلدیریلدی. بونا اساسلاناراق مجلیسین آراشدیرما هئیتی داها اؤنجه فولاد موبارکه شرکتینده ۹۲ مین میلیارد تومنلیک قانون پوزونتوسو بارهده بیلگی وئرمیشدی.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق