مئیوه-تروز ساتیجیلاری بیرلیگی‌نین معاونی دئییر کی، ایراندان تورکیه‌یه هر گون ۷۰۰ کانتینردن چوخ قارپیز ایخراج ائدیلیر، بو ایسه ایرانین جدی سو چاتیشمازلیغی ایله اوزلشدیگی بیر واخت باش وئریر.
ایراندا قوراقلیق و سو قیتلیغی شرایطینده قارپیز اکیلیر و ییغیلیر، بیر کیلو قارپیز اورتمک اوچون ایسه ان آزی ۳۰۰ لیتر سو صرف ائدیلمه‌لیدیر.
اسماعیل مرادیانین سؤزلرینه گؤره، تورکلر اؤز سو رزرولرینی قوروماق اوچون قارپیز اکینینی آزالتدیقلاری بیر واختدا ایران تورکیه‌یه قارپیز ایخراجینی آرتیریب.
جناب مرادیانین سؤزلرینه گؤره، ایرانین تورکیه‌یه قارپیز ایخراجی او حده چاتیب کی، قارپیز داشیماق اوچون تورک کانتینرلری اساس مئیوه-تروز بازارینی احاطه ائدیب و اساس مئیوه-تروز بازاریندا بو مئیوه‌‌نین قیمتی قالخیب.
سون ایللر اکینچیلیک ساحه‌‌‌سی‌نین یئتکیلیلری و اوزمانلاری دفعه‌‌لرله سو توکتیمی چوخ اولدوغوندان قارپیز بئجریلمه‌سی‌نین قاداغان ائدیلمه‌سی و اونون سویو آز سئون کیمی قله‌مه وئریلن اورنلرله عوضلنمه‌سی‌نین اؤنمینی وورغولاییبلار.
اکینچیلیک ناظرلیگی داها اؤنجه بیلدیرمیشدی کی، سو رزرولری‌نین آزلیغی سببیندن تشکیلاتین اوزمانلاری اؤزللیکله قوراقلیقدان ان چوخ ضرر چکن ایالتلرده اکین محصوللاری‌نین اکینینی ایزله‌ییر و بئجرمه دوزنینی ديیشدیرمه‌یه چالیشیرلار.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق