ایسلامی شورا مجلیسینین عضوو احد آزادیخواه حؤکومتین ترجیحی ارزی لغو ائتمه سیاستینی حیاتا کئچیرمهسینی تنقید ائدهرک دئییب کی، باهالیق و تورم بیر چوخ اینسانین بئلینی قیریر.
بازار گونو مجلیسین آچیق اوتوروموندا ائتدیگی شیفاهی خبردارلیقدا بو ملت وکیلی بیلدیریب کی، یارانهلرین ملته یارانماسی اوچون بو دانیلماز تورم حجمینه برابر اولمامالیدیر: پلانا گؤره، خالقا کوپن چاتمالی ایدی کی، بو هله باش وئرمهییب و گؤرونن او کی گلن آی باش توتمایاجاق.
یارانهلرین ملته یارانماسی ایسلام جمهوریییتی حؤکومتینین اساس ماللار اوچون ۴۲۰۰ تومنلیک ارزی لغو ائتمک سیاستی اوچون ایشلتدیگی بیر تئرمیندیر کی، بونون سونوجوندا خالقین ضروری احتیاجلارینین قیمتی کسکین شکیلده آرتمیشدیر.
احد آزادیخواه بو آرتیملاری اعتراف ائدهرک دئدی کی، ۷ آددا قیمت آرتیمی و قیمت جدولی اؤن گؤرولموشدو کی کوپن ایله قارشیلاناجاقدی آنجاق ایندی ۷۰۰ آددا باهالاشیب.
او، تعاون، امک و سوسیال رفاه ناظرینه ده خاطیرلادیب: اوندا بیرلیکلر پروبلئملیدیر. حؤکومت دئییر کی، ۷۵ میلیون اینسانا یارانه اؤدهییب، لاکین بیر چوخلاری یارانهنی آلا بیلمهییبلر، چونکی بعضی اوندابیرلیک فاکتورلار قوصورلودور، مثلا، ایکی ایل اؤنجه ماشینینی ساتان شخص آدینا هله ده بو ماشین گؤرونور.
دلارین قیمتینین گؤرونمهمیش باهالاشماسی ایله موشایعت اولونان اهالینین احتیاج دویدوغو اساس ماللارین قیمتینین آرتماسی سون گونلر ایران شهرلرینده اعتراضلارا سبب اولوب. دونن تهراندا چوخلو سایدا اصناف امین قاوشاغیندا اقتصادی گوونسیزلیگه و بیزنئسلرینین دورغونلوغونا اعتراض اولاراق میتینقده ایشتیراک ائدیب. بو میتینقلر، اؤنجهکی آیلار کیمی، ایسلام جمهورییتینین حوقوق-موحافیظه اورقانلاری طرفیندن شدتله هوجوما معروض قالیب و بیر سیرا اصناف دؤیولوب.
یوروم یازماق