ایران مئدیاسی اؤلکهده تویوق اتینین قیمتینین آرتدیغینی آچیقلاییب و ساتیش قیمتینی کیلوسونون ۱۱۰ ایله ۱۱۲ مین تومن آراسیندا اعلان ائدیب.
تجارت نیوز سایتی خبرده یازیب کی، حاضردا توکتیجی اوچون تصدیقلنمیش تویوق اتینین قیمتی ۷۳ مین تومندیر، لاکین ۲۵ تیر ۱۴۰۲-جی ایلده بعضی پراکنده ماغازالاردا تویوغون قیمتی ۱۱۲ مین تومنه چاتیب.
تویوق اتینین رکورد قیران قیمتی سون هفتهلرده بئله داوام ائتدی کی، ایران ایسلام جمهورییتینین جمهورباشقانی ابراهیم رئیسی ۱۴۰۰-جو ایلده یئتکیلیلرین ان باشدان اوزمانلاشدیریلمیش تویوق قرارگاهی قوراراق اونون قیمتینه نظارت ائدهجهیینی وعد ائتدی.
تجارت نیوزون خبرینده تویوق بازارینی تشکیل ائتمک اوچون میلیاردلارلا بودجه ایله قورولان قرارگاهدان هئچ بیر خبرین اولمادیغی، بازارین زورا و سیفاریشه اؤنم وئرمهدیگینی گؤستردیگی وورغولانیر.
تجارت نیوز ایراندا تویوق اتینین قیمتینین کسکین آرتماسینین سببلرینی ایستهیین آرتماسی، یومورتادان چیخمانین آزالماسی، محصولون باها اولماسی، تویوق یئتیشدیرن تویوقچولار طرفیندن داها آز چکی ایله اورتیلن تویوقلارین کسیم یئرلرین واختیندان اؤنجه تحویل وئریلمهسی و یانلیش سیاستلر حساب ائدیب.
ایراندا تویوق اتینین قیمتینین آردیجیل اولاراق آرتماسی ایسلام جمهورییتی مرکزی بانکینین رئیسی محسن فرزینی ده ایسلام شوراسینا گتیریب.
مجلیسین اقتصاديات کمسیونونون سؤزچوسو مهدی طغیانینین سؤزلرینه گؤره، مرکزی بانکین رئیسی مجلیسین اقتصاديات کمیسیونوندا ایشتیراک ائدرکن نومایندهلرین ایدخالدا، اؤزللیکله ده ایدخالدا ارز نؤوبهلرینین یارانماسی ایله باغلی سؤاللارینی جاوابلاندیریب.
مجلیسین اقتصاديات کمیسیونونون سؤزچوسو بیلدیریب کی، مرکزی بانکین رئیسی قارشیسیندا دئییلن مسئلهلر آراسیندا تویوق بازاری مسئلهسی ده وار کی، نه اوچون یئم ایدخالی اوچون ۲۸ مین ۵۰۰ تومن قیمتیی اولان ارز آیریلماسینا باخمایاراق، بللی قیمتلر وئریلمیر و سربست بازارداکی ارز قیمتی ایله ساتیلیر.
یوروم یازماق