ایران یازیچیلار بیرلیگی ۲۸ خرداد ۱۴۰۲-ده بیر آچیقلاما یایاراق، ایران یازیچیلار بیرلیگی عضوو و تانینمیش آذربایجانلی مدنی فعال یازیچی اکبر آزادین حبسینی و سورگون ائدیلمهسینی (مجبوری اقامت) پیسلهییب.
مدنی فعال و ایران یازیچیلار بیرلیگینین عضوو اکبر آزاد ایکی ایللیک سورگون (مجبوری یاشاییش) جزاسینی چکمک اوچون چارشنبه آخشامی، ۲۳ خرداد گونو ایلام ایالتینده یئرلشن درهشهره گؤندریلیب.
بو شهرده دؤولت قوروملاری اونا هئچ بیر ایمکان یاراتماییب و او، گئدیب-گلمک، یاشاییش و یئمک خرجلرینین هامیسینی اؤدهمهلیدیر و ختی اونون تلفون علاقهسی بیر چوخ پروبلئملرله اوزلشیب.
اکبر آزاد، بهنام شیخی، علیرضا فرشی و حمید منافی نادارلی ایله بیرلیکده ۱۳۹۲-جی ایلده دونیا آنا دیلی گونو مراسیمینه قاتیلدیقلارینا گؤره توتولدولار، بوندان سونرا هر بیری تهران تئمییز محکمهسینین ۵۴ سایلی شؤبهسی طرفیندن ۲ ایل حبس و ۲ ایل سورگون جزاسینا محکوم ائدیلدی. بو شخصلر "میلی گوونلیگه قارشی قروپ و دستهلره عضو اولماق" مادهسی ایله اتهام اولونورلار.
بو فعاللار سون آیلاردا سیراسی ایله اؤنجهکی جزایا استنادا سورگون ائدیلیبر. بو سورگونلر تورک مدنی فعاللارین تنقیدی ایله اوزلشیب.
یوروم یازماق