آذربایجانلی ایدمانچی امید مصطفی زاده، ۳۱ مرداد ۱۴۰۲-ده تبریزین سهند استادیومونون گیریشینده گوونلیک گوجلری طرفیندن حبس ائدیلهرک تبریز مرکزی حبسخاناسینا آپاریلیب.
بو آذربایجانلی بوکسچونون اتهامی ایله باغلی آیرینتیلی بیلگی اولماسا دا، یاخینلارینین وئردیگی بیلگیلره گؤره، مصطفی زاده اورمیه گؤلونون دستک پانکارتینا گؤره حبس ائدیلیب.
آسیا شامپیونلار لیگینین پلی-اوف مرحلهسینده آذربایجانین تیراختور کومانداسی ایله اماراتین الشارجه کوماندالاری آراسیندا کئچیریلن اویوندا اونلار آذربایجانلی قادینلارین استادیوملاردا اولماسینا و باشقا طلبلره، او جوملهدن اورمیه گؤلونون جانلانماسینا دستک نومایش ائتدیریبلر.
قئید ائدک کی، داها اؤنجه بو ایدمانچی شهرام جلالی ایله بیرلیکده تورکیهدهکی اولوسلارآراسی یاریشلاریندا اورمیه گؤلونو دستکلهین پانکارتلا مئیدانا چیخمیشدی.
یوروم یازماق